*** Mihingte pen eima mawhna mah ahi sam hangin hong kimawhsak sawm leh a thuak zo kua mahmom lo a, mawhsakna kammal tawh a kipan thuhilhna, kuamah in za nuam loin kingai nuam masa lo hi. Tua ahi manin, midangte tungah thuhilhna khatpeuh i neih ding ciangin, thuakzawhna le thuhilh siamna kisam mahmah hi.
*** " Na inn vengte in zan nai nih ciang dong tumging tumin a gamlum buakbuak uh hangin heh pah kei inla, zingsang nai li a sat ciangin amaute phong inla na tumging uh zaknop mahmah hi, ci- in phat in". ( Jew- te Paunak )
*** A deihna ah, zingsang nai nih dong ihmu lo liangin tumging tumin gamlum uh ahi manin, zingsang nai li ciangin amaute ihmut nuamsa mahmah ta ding uh ahi manin, ihmut nuam a sak mahmah laitak mahin phong inla, a tumging uh zaknop mahmah hi, ci- in phat in; pilna piakik ding cihna ahi hi.
*** Amaute gamlumna hangin, zingsang nai li dong ihmu thei loin om ka om hi, cih a theihsak nopna zong hi pah a, a thuak dan siam inla, piltakin thu hilhkik in; cihna ahi hi.
*** Mi pawlkhatte in , midangte thuakna thupisim lo uh a, amau mahmah in a thuakkhak uh tak ciang pilna ngah zo pan thei uh hi.
*** Mihingte in thumaan khempeuh pom zo lo uh a, amaute in bangci thu pom uh hiam, cih a theitelte thuhilh siamte ahi uh hi.
Lungdam.
Job Cinpi
Zomi Laisiam Nuamte
Hoih lua...lungdam ei
ReplyDelete