Gal ven ciang abukna pan hong pai khia litlit baak pen kheli nei ganhing te in hong muh tak uhteh “en sin vua hipa den aa ih dodo aleng thei te lak ah kihel hilo aihia?” ci aa akidotna uh baak in azak ciang in “haaa… hi peuh mah keng ei. Kei no dan aa kheli nei te lak ah akihel hing ei. Na dodo uh ahi hua vasa nam te en mah ve vua, akam uh ah ha anei khat beek na muh uh leh kei zong amau dan aa huihlak aaleng ganhing hong ci pah vo” ci in a dong phei viauviau lel hi. Tua bang ahihleh ci in kheli nei ganhing te in amau lak ah akihel sak hi.
Asawt lo in hih ganhing nam nih te kikal ah kidona hong piang leuleu hi. Hih kidona ah aleng thei ganhing te in zawh acih in hong zo uh hi. Kheli nei ganhing te gallelh amu baak pen nidang aa dan in kihem khiankhian in singbul kawm ah hong kibu leuleu hi.
Gal hong ven ciang in akibukna pan hong pai khia in alengthei ganhing te lak ah hong kihel zualzual se hi. “Eh hipa ih galte hi. Ih galdo te lak ah hipa kihel ngel veh aw” ci in vasa nam te in hong kawk ngeingai uh hi. Baak in zong “hi peuh mah keng, hi peuh mah keng. Tua kheli nei ganhing te lak ah kha nei no mu ngei na hi uh hiam?” ci in hong dawn ciang in vasa nam te zong pau nawn se lo amau lak ah akihel sak uh hi.
Hi bang teng tawh atawpna ah hih ganhing nam nih te kilemna hong bawl in khawmpi khat hong nei uh hi. Tua lai ah alungsim akikhel kawikawi baak pen bang cidan in mawh pia ding ih hiam cih zong a kikum uh ahi hi. Atawpna ah thukhensatna hong nei uh in “Hei … nang baak, nang pen tuni akipan mihing te lupkhit zan khuazing sung ah an na zong ding hi. Nang ii lungsim ginat lohna, na lungsim kikhelkhelna hang in kheli nei ganhing te le van aa lengthei ganhing te lak ah nang na kihel thei nawn kei ding hi” ci in thu hong khen uh hi.
Sr; Lukewareness by Fr Frank Mihalic pen Burmese lai in Fr Stephen T.P gelh " အေးရင်လည်းအေး ပူရင်လည်းပူ" zolai aa gelh kik ahi hi.
Peter Suumpi
23. 3. 2017
Pic google.
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.