TUNISIA AH GALKAPTE LEH GAMNUAIMITE KIKAPTUAH, 6 SI
May 12, 2016: Tunisia leitaw lam leh Tunisia khuapi Tunis ah galkapte leh gamnuaimite kikaptuahna hangin zan in ganmuaimi nih in sihna tuak hi. Tatouine governorate ah galkapte leh gamnuaimite a kikaptuah lai un gamnuaimi khatin a kawnga sihpih bomb puaksak a, galkap ulian nih leh National Guard agent nih in sihna tuak hi ci-in Tunisia interior ministry in gen hi.
Tunisia gam pen Arab gam-a kumpi deih lote US leh nitumna gam ten sum tawh a huh banah tawsawm uh a, kumpi deih lo-a kiphinni 'Arab uprisings' (Arab Spring zong a kici) 2011 in hong kipatkhiatna gam ahi hi. Hih Arab Spring in Aram gam tuamtuam - Bahrain, Syria, Egypt, Kuwait, Bahrain, Yemen, Libya dong zong peh to hi. Tunisia ah mipi lungphona nei ten President Zine El Abidine Ben Ali in thuneihna sawt len lua ci-in lungphona nei uh a, President Zine El Abidine Ben Ali kitawp hi. Tua khitin kiteelna om a, ahih hangin ISte hong hat khit nung leh ISte gum thau tawi tampi hong piang khiat manin kumpi lehdo leh gamdang mite suamna piang mun mahmah hi.
Zan a gamnuaimi nih kikaplumte pen Tunis khuapi panin gamla lo a om Ariana province sungah galkap ten '"anti-terrorist" operation' kici National Guard galkap ten a neihna uh-ah a kaplup uh hi ci-in AFP news agency in suaksak hi. Galkap ten gamnuaimi 7 a mat banah AK-47 rifles, pistols leh galvan tuamtuam a hun khop matsak beh lai uh hi. Sanhaji district a teeng khatin a genna ah National Guard ten gamnuaimite bukna 8 am local time (07:00 GMT) panin va buluh uh a, nai kal nih sung nasia takin kikaptuah uh hi ci hi. Tua gamnuaimite pen khua mite hilo ahih manin theih ka nei kei a, inn sap a om uh hi ci-in gen beh hi.
Nung kumin Sousse kianga om gamdang khualzin mite hawhna beach leh Tunis khuapi sunga om National Bardo Museum IS ten a suamna ah mi 60 in sihna tuak a, a si a tamzawte pen gamdang mi vive ahi hi. November, 2015 in IS ten Tunis khuapi suam kik uh a, presidential guards 12 a thah manun Tunisia gamah ''state of emergency'' kipulak a, tu dong ''state of emergency'' kikoih lai hi.
Source: Agencies
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.