Japan khuapi sungah na lamdang tampi a om lam pen mikim theih hi mahtaleh Japan galkap citak Samurai te sikha thu na thei kha ngei hiam? Kum za tampi sungah Japan gamah nasia takin sisan luanna om den a, tua lakah a minthang mahmah ahi Samurai suak masa pen Masakado Taira thu kikum dih ni.
Masakado pen kumpineu khat ahihangin kumpi liante ukcipna naakphehkhau a viik tat masa pen khat hi in, ama min tawh gam kh...at ding sak hi. Tuagam ah amah pen kumpi hipah hi. Ahizongin kha 2 zong kumpi sem manlo in gaal sungah thaltangin a mit nih kikaal ah kha in si pah hi. A ngong kitan in Kyoto khua sungah mipi muh dingin ciahpih uh hi. Maskado lutang bek a muh uh ciangin lungkim lo in alu leh a pumpi gawmtuah sawm uh a, gaal kidona mun a hi Kanto kuam leh a kiim tengah Maskado pumpi zongin vaak uh hi. Ahizongin mu zo lo uh hi. A tawpna ah alau bek mualtung khatah phum uh a, tua mun pen tuni dongin Masakado lumual kici lai hi.
Kum 1000 val khit ciangin Masakado lutang kiphumna mun pen khuapi khat hong suak a, tua khuapi pen Tokyo khuapi ih cihcih pen ahihi. Masakao lutang kiphumna mun pen Japan kumpipa tenna inn panin minute 5 sung bek kipai hi. A lamdang mahmah khat ah Masakado khan pen Otemachi akicihna munah kihem nuam a, setvan thupi leh hoihpente tawh pen tawh tampi vei a kipat uh hangin tangtun zo ngei lo uh hi. Tuni ciang dong tuamun pen a khoih ngam leh a simmawh ngam om nawn lo uh hi.
1923 kum in tuamun kiim ah zin nasia takin ling a, na tampi sia hi. Hih zinling paulam in kumpite in Masakado lutang phumna mun pen hep hong sawm leuleu uh hi. Ahizongin kum nih sungin Masakado khan hep khiat ding a geel leh asem mi 14 te pen a lamdang takin natna leh accident tuamtuam tawh si gai uh hi. Tampi akin zong liam lawh uh ahihman in mipite in dawilam siamte thawihsak uh a tuamun a sikha omte lungkimsak uh hi. Tuani a kipan Japan kumpi in kum simin tuamun pen zahtaakna pia den uh hi. Ahziongin Gaalpi Nihna hong ven ciangin a thu teng zong hong veng hi.
1940 kum in keek nasia takin hong kia leuleu a, Masakado lutang kiphumna mun gei a kilam Japante sumzeekna innpi deng in na tampi sia hi. Japan kumpi in thu beisa hong kankik in thu hong tel tak uhciangin sum tampi beiin Masakado pahtawina in mualsuang nasia mahmah khat hong lam uh hi. Tua mualsuang pen tun zong ding lai hi. American te mahmah in zong Japan gam a luah lai un Masakado lutang phumna mun pen Lamziiksetpi tawh ziik mai na sawm khin uh a, zo man lo in Lamziiksetpi hawlpa si hi. Tua akipan American ten tua Project pen khawlsan pah uh hi.
Lam Thang
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.