INDIA PRIME MINISTER IN BA CERTIFICATE MAN LO ZANG CI-IN NGAWHNA OM
May 12, 2016: India PM Narendra Modi in B.A. zo loin MA sun zom in zo a, B.A. certificate (B.A. zawhna laidalpi) bawl tawm zang hi ci-in Delhi Chief Minister leh AAP party makaipipa Arvind Kejriwal in ngawhna nei a, Modi in zuau thu tawh M.A. Gujarat University panin zo hi ci-in tangko hi. Hih thu hangin India kumpi len BJP ten Modi in Delhi University (DU) panin B.A. zo mah hi ci-in zan halin BJP president, Amit Shah in press conference a neihna ah Modi' B.A. certificate lahna nei a, Modi in B.A. 1978 kumin zo hi ci hi.
Ahih hangin PM Modi’ B.A. mark-sheet (mat ngahzah ciamtehna lai) pen computer tawh kikhen a, Delhi University in 1980 kum a kipanin computer in marksheet leh certificate khenkhia pan a, 1978 hun lai-in B.A. marksheet pen computer zangin DU khenkhia nai lo a, zong zang nai lo hi ci-in DU professor khatin gen hi. AAP party ten zong PM Modi' certificate ah Delhi University pen Delhi Unibersity cih tuang ahih manin a certificate leh a marksheet zong a kibawl tawm hi ci uh hi.
Hih thubuai hangin Facebook zang Delhi University a kah leh 1980 kum a zo ten a marksheet uh post uh hi. Jimmy Vesuna in a post ah DU panin 1980 kum-a B.com (Honours) a ngahna lai leh 1978 kum a ngahte marksheet a kibat lohna tuangsak hi (a nuai-a maan ah). University of Delhi in 1978 certificate font (laimal ki-at dan) 1980 in laih pan hi. Modi in B.A. a zawh hunin DU ten computer zang nai lo nai lo napi Modi' BA certificate font pen computer tawh kikhen hi.
Activist Roshan Shah in Delhi University ten 1978-1980 sungin controller of exam (laivuanna ukte) a kibang zang a, 1978 kumin khut tawh marksheet ki-at (hand-written mark-sheets) lai a, Modi' marksheet pen computer tawh ki-at hi ci hi. Roshan Shah in thukhente ka hopih ta a, BJP president Amit Shah leh Union Finance Minister Arun Jaitley in Modi' BA certificate man lo leh bawl tawm lahna nei ahih manin thu a kibawl theih ding leh thukhen zumah ka heek ding hi ci-in gen hi.
-Jataka Reporter
"Mi i khem zawh hangin tawlkhat sung bel kikhem zo kha thei a,
Ahih hangin i nuntaksung tawntung mi kikhem zo den lo hi".
Ahih hangin i nuntaksung tawntung mi kikhem zo den lo hi".
-
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.