SYRIA LEH RUSSIA KIPAWLIN TUNG LAM PANIN ALEPPO KAP KIKAP KIK UH
May 13, 2016: Syria kumpi leh kumpi lehdo (rebels) ten kikapkap zong cimtakhuai phot ci-in nai kal 48 sung kikaptuah nawn lohna ding 'Regime of Silence'' kici thukimna suai a kaih uh a hun bei ta a, tua khit nungin rebels ten Homs province ah khua khat va la uh ahih manin Syria galkapte vanleng leh Russiate bomb khiatna vanlengte kipawlin Aleppo province sunga rebelste ukna munte ka kap uh a, mi tampi si hi ci-in Syrian Observatory for Human Rights (SOHR) ten gen hi.
Zan hal zanin 'Regime of Silence" thukimna a suai kaih uh a hun bei khit a sawt loin Syria leh Russiate kipawlin zan in al-Zahraa leh al-Maysar khuate vanleng tawh va kap uh hi ci-in Syrian Observatory for Human Rights in gen hi. Aleppo province sunga Syria kumpi' ukna Saif al-Dawla khua zan zingsangin rebels ten rocket tawh kap uh a, nautang 3 a sih banah 10 in liamna tuak hi ci-in SOHR in gen beh hi. February 27 in Syria kumpi leh rebels ten 'Ceasefire'' thukimna suai kai uh a, tua khit kikaptuahna hong dai deuh hi. Nung kha tawp a kipanin kikaptuahna om piang kik a, tua khit nung mi 300 sih beh ta hi.
Syrian rebel ten Homs province-a a khua lakna uh pen al-Zara khua hi a, Homs khuapi panin km. 35 in kigamla hi. Rebels ten hih khua panin khuamite pawlkhat salmat dingin paipih uh hi ci-in Reuters news agency in suaksak hi.
Source: Al Jazeera and agencies
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.