SYRIA AH AL-NUSRA NGONGTATTE 16 KIKAPLUM
May 13, 2016: Syria leilu-nitumna lam-a om Abu al-Duhour vanleng phualah al-Nusra Front ten kimuhkhawmna leh kamkupna a neih khawm lai un tung lam panin kikap a, al-Nusra Front member 16 in sihna tuak hi ci-in Syrian Observatory for Human Rights in tu ni-in gen a, a site lakah foreign commander khat kihel hi ci-in gen beh hi.
Russia leh United States ten a beisa hunin tung lam panin Syria gamah al-Nusra Frontte kap zel uh a, hih mun kapte kua hi ding hiam cih kitel nai lo hi. Abu al-Duhour vanleng phual pen Syrian rebels, al-Nusra Front leh Ahrar al-Sham ten a ukna Idlib province (Syria leh Turkey gamgi kiang) sunga om ahi hi ci-in in Syria.
Al-Nusra Front kicite pen Wahhahi terrorist tuamtuamte kipawlna Jaish al-Fatah kici sungah kihel Islamic ngongtatte hi a, Aleppo mual tung gam tengah tu teng Syria galkapte leh Russia galkapte tawh kinak do mahmah uh hi. Russiate kap ding mah in ki-ummawh hi. US ten Plan B kici Syria ah zat ding nung kha-in na pulak ta uh a, tua Plan B sungah al-Nusra Frontte tank kapsiatna galvan piak ding ci uh a, tua banah CIA pensen (retired) ulian pawlkhat in US ten Syria President Assad laih khiatna dingin al-Nusra Frontte zangin huhna pia sim den hi ci uh ahih manin US ten kap peuhmah lo ding hi.
Source: Reuters
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.