REVOLVER TAWH SELFIE A KIZAIH LEH KIKAPLUM KHA
May 3, 2016: India leilu lam-a om Punjab state sunga Pathankot khua a teng, kum 16 a upa lutuamte Ramandeep Singh kici leh a sanggamnu maan kzaih dingin a pa revolver (pistol) tawh Selfie in kizaih uh a, a thau mek kha in kikapliam kha a, zato inn ah a kipuak hangin dam zo loin si hi.
Punjab senior police Manor Kumar in hih thupiang pen tuahsiatna hang hi a, ahih hangin a pa'n kum cing lo naupang lawn khak dingin a thau koih ahih manin gawtna kipia ding hi ci-in Sputnik newste kiangah gen hi. A revolver in phalna lai (license) nei a, ahih hangin a pa thongah khum ding leh khum loh ding vai kingaihsun lai hi ci-in gen hi.
Hih thupiang hangin India Parliament ah thukham bawl (lawmakers) ten hih thupiang leh India gam pen leitungah mobile tawh Selfie kizaihna hangin mi tam a sih penna hi mawk ahih manin a patauhhuai thu hi ci-in gen uh hi. Mumbai khuapi nawl-a tuipi pangah mun 16 pen mun lauhuaina mun ci-in kiciamteh a, tua munah selfie kizaihte kiliausak hi. Railway Police ten zong meileng a tuang kawm-a sih theihna ding mun-a Selfie kizaihte kum khat sung thongah khum ding ci-in thukham bawl uh hi.
Leitungbup ah Selfie kizaihna hanga sihna tuak (selfie-deaths) mi 49 kiciamtehna lakah India mi 19 kihel hi. A site pawlkhat pen keen sang tung pan a kia, sai in a tot lup, tuipi sungah kia, meileng in a gawilup cih bang a tamzaw hi kici hi. Selfie kizaih pen misiam ten khamtheih, zatui, zatep bangin in zongsat theih hi ci uh hi.
-Sputnik
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.