IRAQ AH IS TEN US NAVY SEAL KHAT THAT
May 4, 2016: Islamic State ten Mosul khuapi kianga Kurdish peshmerga galkapte cinna Irbil kiim-a om Tel Asqof khua va buluh in, tua sunga US galkap om US Navy Seal Charlie Keating IV va that uh hi ci-in ulian ten gen uh hi. 2014 panin Iraq gamah US galkap thum a sihna hita hi.
US Defense Secretary Ash Carter in Charlie Keating IV pen kikaptuahna a si hi a, suphuai mahmah hi ci-in gen hi. US Navy Seal galkapte pen US in gam tuamtuamah US special operations forces kici galkap a sawlte lak panun a siam pen leh a muan uh hi a, mun lauhuaina munte ah nak zat mahmah uh hi.
Arizona State governor Doug Ducey in Charlie Keating IV pen Arizona mi hi a, Phoenix ah high school kah hi ci-in gen hi.
Southern California pan-a kikhenkhia San Diego Union-Tribune newspaper in Charlie Keating IV pen 1980s hun lai-in US saving leh loan nekgukna a kigolh ngei bank nasem lui Charles Keating Jr. tupa hi a, Charles Keating Jr. nekgukna ah a kigolh manin US Senator 5 na awk ngei hi ci-in gen hi.
Southern California pan-a kikhenkhia San Diego Union-Tribune newspaper in Charlie Keating IV pen 1980s hun lai-in US saving leh loan nekgukna a kigolh ngei bank nasem lui Charles Keating Jr. tupa hi a, Charles Keating Jr. nekgukna ah a kigolh manin US Senator 5 na awk ngei hi ci-in gen hi.
Kurdish peshmerga forces kicite galkap ulian khatin a genna ah Charlie Keating IV pen ISte ukna Mosul panin km 28 a gamla a om Tel Asqof khua-ah ISte tawh kikaptuahna a si hi ci-in gen hi. IS ten Tel Asqof khua zan zingsangin va umcih uh a, US ten F-15 vanleng zangin bomb 20 khiat uh a, tua mun-a Kurdish peshmerga galkapte leh US galkapte sangin a va suam ISte tam zaw uh ahih manin Charlei Keating IV a kithah khitin helicopter zangin US galkapte taikeek uh hi. US in Iraq ah Special Force kici galkap 4,250 koih uh hi.
-Reuters/Fox News
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.