IRAQ AH MISI A LOM A KIVUINA HANKHUK 50 KIMU
May 7, 2016: IS ten a ukna mun a kilaksakna mun tuamtuam panin misi a lom-a kivuina hankhuk mun 50 kimu khia a, tuate lak panin tukpeng/bawlung tual panin mun thum kihel hi ci-in UN envoy Jan Kubis in gen hi. UN Secretary-General for Iraq len Jan Kubis in nung kum December 23 a ISte khut panin Iraq galkap ten a lak uh Ramadi khuapi a siat mahmah hangin nautangte teng dingin ciahkik ta uh a, hih khuapi ah zong IS ten ngongtatna tampi gamtang uh hi ci-in gen beh hi.
Iraq galkap ten US leh a kipawlpih ten tung lam panin a huhna tawh a beisa khate ah ISte ukna mun pawlkhat laksak uh hi. Jan Kubis in Ramadi khuapi a tukpeng tual a mi lom kivuina han khuk panin luang 40 April 19 in kimu a, Iraq galkap ten nung kumin Ramadi khuapi a tamzaw a lak hangun February kha-in Ramadi khuapi a bupin la zo pan uh hi ci-in gen hi.
Jan Kubis in nung kum sangin Iraq gamah huhna kisam a leh nih in pung beh a, million 10 val in manlang takin huhna kisam uh hi ci-in UN Security Council ah gen hi. Galkap ten ISte ukna leitang mun tuamtuam lak ding nasia takin hanciam lai uh ahih manin tu kum bei ma-in million nih bangin teenna ding munmuanhuai nei loh beh lai ding hi ci-in
Iraq leh Kurdish galkapte kipawlin IS ten June 2014 in Nineveh province khuapi Mosul (US leh a kipawlpihte huhna tawh) March kha panin lak ding hanciam uh a, tu dong la zo nai lo uh hi. Iraq parliament ah laisiam (technocrats) leh biakna makai ten cabinet ah tutna a tuhna ding uh MP ten a dalna hang leh Iraq ulian ten golhguk leh nek guk nak ciin lua uh ci ci-in mipi ten lungphona nasia takin nei uh a, parliament, US galkapte leh US embassy omna Green Zone kulhpi sung nangawn ah lungphona nei ten va buluh in lungphona nasia takin nei uh a, hih kitelsiam lohna manlang takin a venna ding vaihawm meng un ci-in Jan Kubis in kun hi.
Source: AFP
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.