GERMANY AH PASAL KHATIN KUM 12 A KINGAIHPIH A ZAWL LUINU A KIKHEN KHIT UN A NEIH KHEMPEUH A KIM KHAT IN TUM TAN IN KHAK
May 9, 2016: German gamah eBay zang-a a min “der.juli” ci-a at khatin kum 12 sung a kingaihpih Laura kici tawh a kikhen khit un a neihsa manpha khempeuh sing-atna tawh a kikim tekin a lai-ah at tan a, a kim khat (tum khat) teng a zawl luinu post (laito/sadiah) ah khak hi. A kim khat teng aman kemin, eBay ah zuak dingin koih hi. YouTube video ah 'For Laura' kici zong post a, tua-ah "Kum 12 sung nong kikholhpih manin lungdam ing Laura. Ka neihsa a kim khat na lawh zo hi. Kei tha khek ding pa muakna" cih tuangsak hi.
A neih manpha a kim khat lianin a tuptante - TV, iPhone 5, Apple laptop, Samsung TV set, Apple Macbook Pro, Opel Corso car, a lupna, a tutna (chairs), mail box, a van koihna (bizu/wardrope), motorbike helmet, REM record, vom lim (teddy bear), cycle, sofa tutna cih bang ahi hi. German late night comedy sketch show "Bullyparade" kici DVD nangawn pengsak loin a kim khat khak hi.
Hih pen June 16, 2015 in youtube ah kipost a, a en nuam ten hih link ah et theih ding hi.
https://www.youtube.com/watch?v=ZHLg_9DGbSg.
https://www.youtube.com/watch?v=ZHLg_9DGbSg.
Hih thu pen Fox News leh YNaija.com news leh Daily Mail ten ten June 18, 2015 in suaksak uh hi.
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.