FUEL TANKER LEH BUS NIH KITAIHKHA, MI 73 SI
May 9, 2016: Zan in Afghanistan gam-a om Ghazni province ah datsi/namgimtui puakna mawtaw leh bus nih kitaihkha a, a datsi pua mawtaw pen kuang a, mi 73 in sihna a tuak banah mi tampi in liamna tuak hi. A site lakah naupang zong tampi kihel hi.
Ghazni governor spokesman Jawid Salangi in a genna ah a buste pen Kabul panin Kandahar khuapi zuan dinga tai mi 125 pua hi a, hih mawtaw thumte a kitaihkhak khit ciangin a thum in kang hi ci-in gen hi. A liamte zato inn ah kipuak pah a, a tamzawte pen nak liam mahmah uh hi ci-in gen beh hi.
Al Jazeera reporter Qais Azimy in Kabul khapi panin a genna ah mawtawte kitaihkhakna mun pen Talibante checkpoint kiang hi a, mawtaw hawl ten Talibante suam ding a lauh manun a mawtaw uh nak hawl lua uh a, kitaihkha hi ci-in gen hi.
Pul-e-Charkhi thonginn ah Talibante mi 6 kikhailum hi.
-Al Jazeera and agencies
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.