US AH THAU IN MI 8 KAPLUM
April 23, 2016: Ohio state sunga om Pike County sunga om Peebles khua kiangah ah zan hal nitak in inn li thau tawh kikap a, mi 8 in sihna tuak hi. A site pen innkuan khat Rhoden beh innkuan hi a, picing 7 leh kum 16 khat kihel hi. Thau kap pen mi khat bekin dingin ki-ummawh a, police ten a upmawhpa uh man ta uh hi. A site pen a lupna tung uah kikaplum hi ci'n police ten gen uh hi. A site innkuan sung panin naupang thum suakta uh hi.
State criminal investigators ten thau kap dinga upmawhpa Chillicothe, Ohio ah zan nitak nai 6:30 pm in manin thusitna nei uh a, thu kikap lai-in tua kiim a om mi nih zong thusit dingin man uh hi.
Ohio Attorney General Mike Dewine leh Pike County Sheriff Charles Reader in a kikaplumte pen a lutang vive uh kikapsak hi ci'n gen hi. Mi khat thau tawh kiman a, upmawh mi nih leh thum kimat beh ta hi ci'n Mike Dewine in gen beh hi.
A site pen innkuan khat hi i cih hangin Rhoden beh innkuan ahih manin innkuan khat i cih ziau ahi hi. A teenna mun uh pen singtang gam hi a, Union Hill church pastor Phil Fulton in Rhoden' nu leh a tate a beisa hunin hong kikhawm zel uh a, tu teng hong kikhawm nei meel lo uh ahih manin ka muh loh zawh sawt pian ta hi ci'n gen hi. Rhoden leh a innkuanpihte pen Peebles khua kianga farm house ah teng uh ahi hi. Peebles khua pen mi 1,800 kiim teenna hi a, Cincinnati panin tai (miles) 80 in kigamla hi. US ah kum simin thau tawh mi 30,000 kikaplum den hi.
-WSAZ 3 News Channel/USA Today
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.