URUGUAY AH TUI LIAN LEH HUIHPI NUN' HANGIN MI 7 SI
April 18, 2016: Zan hal in Latin/South America continent sunga om Uruguai gam tui khang leh huihpi'n a nawk manin tu dong mi 7 a sih banah inn leh lo nusia in mi 2,000 taikhia ta hi ci'n zan in ulian ten pulak uh hi.
Zan halin Dolores khuapi nitumna lam huihpi'n nawk a, mi li si a, tui khan' hangin mi thum in sihna tuak hi ci'n zan in ulian ten gen uh hi. President Tabare Vazquez in zan in sihna tuakte gambup in thuakpihna (national mourning) pulak a, Dolores khuapi ah hih huihpi leh tui lian in a suksiatte kibawl pha kik ding hi ci'n kamciamna state radio tung panin tangko hi.
Dolores khuapi ah inn tam kisia mahmah hi ci'n AFP reporter khatin gen hi. National Emergency System in zan in a genna tui khang nasia lua ahih manin mi 2,000 in a inn leh lo nusiatsan ta hi ci'n gen hi. Tuikhan'na hangin Uruaguayte' khuapi (capital) Montevideo leh Sacramento de Colonia leh Argentinate' khuapi Buenos Aires kizopna lampi national highway kikhakcip hi ci'n AFP reporter in gen beh hi.
-News 24
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.