US AH SUICIDE RATE 24% IN KHANG
April 24, 2016: Centers for Disease Control and Prevention (CDC) ten report a piakna ah US ah amah leh amah kithat nakpi takin khang a, a beisa kum 30 khit nung a sang penna hi lai ci'n gen hi.
1999 in amah leh amah kithat pen mi 100,000 lakah 10.5 hi a, 2014 in mi 100,000 lak 13 kithat a, 1999 panin 2014 kikal sungin 24% in khang hi ci'n gen hi. A kithatte lakah kum 10-74 kikal mi hi deuh a, a tamzaw pen Mikangte hi ci'n gen beh hi.
Middle-aged women a kiciamteh kum 45 pan 64 kikal mite kithat pen 1999 in 43% hi a, 2014 in 63% tungto hi ci'n CDC in gen a, bang hanga Mikang tam kithat diak se uh hiam cih bel gen lo hi. Mi tamzaw amau leh amau kithatte pen zawn man, dam theih loh man leh lamet bei kisak man hi ci'n Harvard a public policy professor Robert Putnam in New York Times newste kiangah gen hi. A beisa kum sawt lo a kipanin mivomte tuap natna, zatui overdoses, zu a sihna gu kihel a si leh amah leh amah kithat khang mahmah hi. CDC in a genna ah mivomte, pasal leh numei kum 75 nuai lamte kithat bel kiam lam manawh suk hi ci'n gen hi.
Source: Al Jazeera
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.