RUSSIA IN SYRIA AH A SPY VANLENG ZAT US IN ENG MAHMAH SE HI CI
April 23, 2016: Russia in Syria ah galte omna mun a en sim leh maan zaihna dingin galvan hoih nono (conventional forces arsenal) tuamtuam zang a, signals intelligence (SIGINT) leh electronic warfare (EW) kici spy vanlengte zang uh ahih manin US in eng mahmah ding hi a, ciltui kai liangin en ding hi ci'n Cryptologic Linguist and Signals Intelligence Analyst a sem US Marine Corps galkap Caitlin Patterson in gen hi. US bek hi loin nitumna gamte en' tham cing ding Russia in sply plane zang a, US leh nitumna gam ten khuvamsa/lamdangsa mahmah (impressed) uh hi ci'n gen beh hi.
Russia in Syria ah galte panmun maan zaihna ding leh a etsimna dingin Electronic Intelligence (ELINT) spy/surveillance vanleng nih leh SIGINT spy/surveillance vanleng khat zang hi ci'n Caitlin Patterson in gen hi. A vanleng zat khat pen uh Ilyushin Il-20 surveillance aircraft ( NATO ten “Coot” ci) kici a, hih Il-20 vanleng in mun tampi a muh theihna dingin sensors, antennas, IR (Infrared), Optical sensors, SLAR (Side-Looking Airborne Radar), leh satellite communication kithuah hi ci'n Caitlin Patterson in gen hi. Hih Il-20 pen galkapte zat theih dingin (military version) Il-18 passenger airplane panin kibawlpha hi a, thusim ngah theihna dingin a muk-ah Igla-1 phased-array SLAR pod kithuah a, A-87P LOROP cameras leh Romb 4 sigint system zong a vanlengah kithuah hi ci'n GlobalSecurity.com website in gen hi. Thusim ngah theihna dingin a muk ah Vishnaya communications intelligence gathering system kici antenna nih kithuah beh hi. A vanleng pen mission specialists 8 leh crew member 5 kipawlin hawl uh hi. Hih vanleng pen Syria bek hi loin US leh NATO galkap ten Russiate a phin nilohna Baltic Sea ah zong kuamah pai ngam lohna munah galte omna mun etsimna 'long-range reconnaissance missions' dingin Russia in zang a, international airspace sung tengah lengsak hi. Russia in hih vanlengte Syria ah thusim kan ding (intelligence gathering missions), ISte thukizaktuahna (communications) kan ding leh a omna mun lianlian uh theihna ding (pinpointing positions) leh ISte dona dingin (Electronic Order of Battle of Daesh/IS) zang uh hi ci'n The Aviationist website in suaksak hi.
A vanleng uh khat pen Russiate spy-plane bawl nunung pen Tupulev- 214 R hi a, a tom in Tu-214R) kici a, a pum ah ELINT leh SIGINT platforms kithuah hi. Tu-214R ah antenna kithuah penin galte' signal piakte (enemy systems emission of signal) radars, vanleng, radios, kidona mawtaw (combat vehicles), mobile phones etc) panin na matsak thei ziauziau a, galte koici gamtat a, koici kal suan uh hiam cih EOB (Electronic Order of Battle) tung panin na theithei hi ci'n The Aviationist in gen hi. Tu-214R pen state-of-the art kici vanleng nam khat hi a, Tu-214 commercial transport aircraft panin codename 'Project 141' nuai-ah kipuahpha in, Ilyushin IL20M ELINT laih dinga kibawlpha ahi hi. Flight tracking websiteflightradar24.com in a genna ah hih vanleng in nisuahna lam, Caspian Sea leh Syria, Iranian leh Iraqte huih lakte (airspaces) a leng vanlengte gamtatna na thei pahpah hi ci'n gen hi.
Tu-214R vangleng pen Russia in a bawl lai-in a sitna dingin 'operative mission' kici Jun. 18, 2015 in a kibawlna mun KAPO, Kazan Aircraft Production Association panin Crimea (tua hun lai-in Crimea pen Ukraine gamah om lai hi) ah va leng in, tua khitin Ukraine gamgi ah va leng a, tua khit in a ngimna munte (real targets) ah sensor a kizang thei hiam cih sitna nei a, Russia ah hong kik nawn hi. Tua khitin Crimea ah kilengsak kik a, tua khit mahin Irante airspace ah nih vei 360° in leng a, a san'na lam 33,000 feet (10,000meters) ah lengin Russia ah leng kik hi. Gam tuamtuam ten galvan bawlna dingin sum tampipi a beisak bangin Russia in midangte neih sangin a hoihzaw galvan bawlna ding leh mai lam hunah kizang ding galvan a galkapte zat ding tampi pia khin zo hi ci'n US Marine Corps galkap Caitlin Patterson in gen hi. US in zong hi bang SIGINT leh EW vanlengte a bawl sawm hangin Iraq leh Afghanistan ah gamnuaimite dona 'counter-insurgency doctrine' tawh a buai manin a nasepna kikhihbawk sak a, tua bangin US a buai sungin Russia leh China in hih bang galvan bawlna nam tuamtuamah na khupsan a, US in Russia sangin galvan hoih zaw a bawl nop leh nakpi takin nasem in a hanciam a, a kipat kisam ta hi ci'n gen beh hi
-Sputnik
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.