RUSSIA TEN GALKAP 4,000 TAWH MOTORIZED INFANTRY DRILLS (MOD) NEI

RUSSIA TEN GALKAP 4,000 TAWH MOTORIZED INFANTRY DRILLS (MOD) NEI

April 23, 2016: Russian Eastern Military District kici galkap ten galkap 4,000 kihel in mawtaw leh gal vanleng zangin galdo ding dan kisinna Motorized Infantry Drills (MoD) Russia nisuahna lamah nei ngeinai uh hi ci'n Defense Ministry in tu ni-in pulak hi. Defense Ministry in hih galdo ding dan sinna hun ah Trans-Baikal kiim-a motorized infantry units ten amau sangin galvan lian a nei zaw Buryatia kiim-a tank unit galkapte tawh galdo ding dan kisinna nei khawm ding uh hi ci'n district spokesman Col. Alexander Gordeev in gen hi ci hi.

Col. Alexander Gordeev in hih galdo ding dan sinna pen Tsugol military range ah kinei a, galvan tuamtuam 400 val kizang dinga, tuate lakah Sukhoi Su-25 Grach gal vanleng , Mil Mi-8AMTSh leh Mi-24 helicopters, self-propelled guns leh multiple rocket launchers thaute zong kizang ding hi ci'n gen hi.

Russian Defense Ministry in Black Sea Fleet (kidona teembaw) panin press service a genna ah Black Sea ah zong galdo ding dan sinna kinei a, hih hunah landing ship kici galdona teembaw, cruiser leh fighter jets vanglengte leh Crimea Naval Base a kinga tui leh lei lakah bawh thei vanglengte (amphibious aircrafts) zangin Black Sea ah galdo ding dan sinna ah kinei hi ci'n zanin gen hi.

Fire support ships kici galdona teembaw tampi kizangin tuipi gal leh marines (tui leh lei lam a siam galkapte) galkapte' teembaw zatte kap dan sinna thaupi (artillery fire) tawh Opuk Marine Landing Range kiangah kinei hi ci'n Black Sea Fleet spokesman Capt. 2nd Rank Nikolai Voskresensky in gen a, hih hunah Su-30SM Flanker multirole fighters leh anti-ship amphibious aircraft zong kizang ding hi ci'n gen beh hi. US makaihna tawh NATO ten Russia kianga om Baltic states (Latvia, Lithuania leh Estonia gamte) ah galkap leh kidona galvan tampi puak behin galdo ding dan sinna a neih manun Russia zong kipan ziahziah ta hi.

-Sputnik