NORWAY AH HELICOPTER KIA, MI 11 SI
April 30, 2016: Datsi/namgimtui company Statiol ten Gullfaks B oil Platform panin mi puakna dingin a zat uh helicopter a len’khiat khit a sawt loin zan sun in kia a, a sunga tuang mi 13 lak panin mi 11 in sihna tuak hi ci-in hutkhiatna nasem ulian ten pulak uh hi.
A site lakah British mi khat leh Italy mi khat kihel a, a dangte pen Norway mi vive hi ci-in Rescue Coordination Centre for Southern Norway ten pulak uh hi.
A helicopter mual tungah kia-in zan dikdek a, a helicopter pum them pawlkhat a kiatna munah kimu a, pawlkhat tuipi sung metres 7 (16 to 23 feet) sungah kimu hi ci-in Rescue Coordination Centre for Southern Norway gen uh hi. Siluang 11 kilakhia ta a, tu dong nih kimu lo a, tuate zong si dingin ki-ummawh hi ci'n gen beh uh hi. Mit a mu ten a genna ah helicopter a kiat ma-in (huih lakah a om lai in) helicopter tunga kipei (rotor) kitol a, a helicopter pum a lianzaw pen tui lak kidenna hi ci'n Norway mediate kiangah gen uh hi.
Hih helicopter kiatna mun pen Turoy tuikulh kiang hi a, Bergen vanlengphual zuan dinga leng hi ci’n Bang Andersen in AFPte kiangah gen hi. A vanleng len’khiatna mun Gullfaks B platform pen Norway gam sunga dingin tuipi panga om datsi phual lian pen ahi hi.
-Digital Journal
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.