IS TEN IRAQ AH A GALKAP NUNGKIKTE 45 THAT
April 25, 2016: IS ten amau ukna Mosul khuapi panin Iraq galkapte tawh kidona hangin a nungkik leh a taikhia mi 45 manin a vot mah za siat lohna dinga koihna - forensic medicine freezer sungah nai kal 24 sung koihin that uh hi ci'n local media ten suaksak uh hi. IS ten hih a thahte uh luang hawmte khua sungah koih uh a, IS galkap dangte zong hilh kholhna a piakna danin mi muh dingin lampi kiangah koih uh hi.
IS ten IS panin a taikhiate hih bangin mulkimna bei-in a thah uh a khat veina hi lo hi. Nung kum December in zong IS panin a taikhia mi 6 Yemen gamah rocket launcher tawh kaplum uh a, mi dang guk mah teembaw ah hencip in bomb puaksakin that uh hi. Tua loin Shia Muslim rebel mi 9 a matte uh hei tawh a ngawng tansak uh a, mi li a ngawng uah siktum (mortar shells) hen in puakkhamsak uh hi.
IS ten zan halin Syrian Air Forcete MiG-23 Damascus khuapi a Al Dumayr military airbase panin a lenkhiatin kikapkhiatsak hi ci'n gen uh a, a hawlpa a vangleng a puakkhap ma-in a tawm khiat man hangin kihingmat a, a min pen Azzam Eid hi ci uh hi. ISte tawh a kipawl Amaq news agency in a genna ah Azzam Eid pen Hama khua mi hi ci hi. A vanleng pen ISte ukna Bir Al-Qassab ah kia a, IS ten a kiatna lim video in suaksak uh hi. IS ten nung kalin Syria galkapte vanleng Damascus khuapi kianga om Dmeir military airport leh Sweida province leilu lamah zong na kapkhiatsak uh a, a hawlte bel Syria kumpi ukna leitangah tuak khia uh ahih suakta uh a, tua lo adang zong kapkhiatsak beh lai uh hi kici hi. December 2014 in zong IS ten US leh a pawlte vanleng khat na kapkhiatsak ngei uh a, a hawlpa Jordan mi Maaz al-Kassasbeh hing mat uh a, a hingtangin hal lum in, a hal lupna uh video footage online ah suaksak uh hi.
Nung Pithai ni (Friday) in Syria kumpi lehdote (rebels) ukna Aleppo tung lam panin kikap a, mi 18 in sih lawh hi ci'n anti-government activists ten gen uh hi.
-Jews News
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.