CHINA BIAKINN A KISUKSIAT DING A DALNU KIHINGVUI
April 25, 2016: Hena province sunga om Zhumadian khuapi ah nung kalin China ulian ten Beitou Church kici a kisuksiatna dingin thupia a, a suasia ten a suksiat lai-in Rev. Li Kianglong' zi Ding Cuimei in lungphona nei in na dal hi. Tua biakinn susia ten Ding Cuimei hawlguamah sawn khia in, a hing tangin vui in si hi.
China gam-a NGO China Aid kici ten a genna ah mi khatin kei min in a hing tangin vui lel un, ken a mawh ka pua ding hi ci hi ci'n gen hi. Tua bangin a kampaupa mahin kumpi in Christian kibehlap lua ahih manin kumpi'n dal nuam hi ci'n gen beh hi ci'n gen beh hi.
Thukhen ten a genna a China gamah biakna tawmte bawlsiatna nasia mahmah hi ci'n gen uh hi. China kumpi in gam sunga singlamteh 2000 val biakinn panin lakkhiatsak ta hi. China ulian ten thu-ummi kinak behlap lua ahih manin Zhejiang ah thu-ummi a kibehlap lohna dingin a beisa kum nih in dal na kipan uh ta hi.
Christian advocacy group Open Doors USA ah president leh CEO leh David Curry in FoxNews.comte kiangah hun khat lai-in China kumpi'n thu-umte na hoih bawl mahmah a, ahih hangin tu-in tua bang hi nawn lo a, pastor ten bang sermon gen uh hiam cih thu a zaksakna dingun uliante tawh nipi kal simin a kimuh uh kul a, biakinn tampi kisusia ta hi ci'n gen hi. UN in April 24, 2016 in China milip 1,381,159,983 pha hi ci a, tuate lak panin 5% bek Christian hi a, ahih hang China pen leitungah Christian a nak kibehlapna/khan'na pen pawlin kiciamteh hi.
Jews News/Worldmometers
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.