GU HAT MAHMAH MAIMOM IN MI KHAT ZUNTHAKNA PETSAK
April 28, 2016: Australia gam-a Sydney khuapi ah kum 21 mi (a min gen nuam lo) pasal khat (plumber nasem mi) a dailen lai-in gu pha mahmah a kigen maimom nungsan (venomous redback spider) in a zun thakna va petsak citciat se ahih manin a petna munah siavuante kipuak pah hi. Tua khitin zato inn ah NSWte ambulance in kipuak leuleu a, Siavuan ten limtakin gu thahna tawh na kem uh ahih manin dam zo hi ci'n New South Wales (NSW) suburb of Kogarah ten gen uh hi.
Hih redback spider kicite pen 'Latrodectus hasselti' kici a, kum simin Australia gamah mi 2,000 kiim pet den hi. Latrodectus hasselti ten mi a pet ciangin a mi pehte cithak, tha zawi, khua-ul luang ziahziah, luak suakin lua cih bangin om uh a, lim takin a kikep pah kei uh leh si thei uh hi. 1950s pawlin hih Latrodectus hasselti maimomte pehte gu thahna dingin zatui kibawl ahih manin mi a pet ciangin zatui tawh a kikep peuh leh a si om meel nawn lo hi.
April kha bulin Latrodectus hasselti maimom in kum 22 mi, pasal khat gam lak a vakna ah pet a, si hi. Hih bang danin maimom gupha mahmah a kigen US ah zong tu kumin kimu a, tuate Cryptomaster Behemoth kici hi.
-Telegraph
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.