US POLICE KHATIN THAU LIM TAWI KHAT KAP LIAM
April 28, 2016: US ah mivom Freddie Gray kici nung kum April kha-in US police ten kap liam uh a, a nungguh kha ahih manin dam zo loin si hi. Freddie Gray' sihni kum khat a cinni phawkna in lungphona neite lakah kum 13 mi khatin zanin thau lim a tawi manin US police detective khatin Baltimore, Maryland ah kap liam hi ci'n Police Commissioner Kevin Davis in gen hi.
Police Commissioner Kevin Davis in police ka sep zawh kum 25 cing ta a, mit tawh etin tua thau tawipa' thau tawi pen thau taktak tawh kibang mahmah ahih manin Baltimore police officers nih in a va naih uh leh tai ahih manin khatin kap hi ci'n USA Today newspaperte kiangah gen hi.
Baltimore Sun newspaper in a genna ah bel tua thau tawh kikap liampa pen a nu'n kum 14 mi hi ci'n gen a, a liang nih vei leh a khe khat vei kikapsak hi ci'n gen hi.
Nung kumin Freddie Gray a kikaplupna hangin US gam sung mun tuamtuamah minam kideidanna, minam liangko kikim lo (racial inequality) bang-a kibawlna, policete minam tawmte (minority communities) tungah ngongtat nak gamtat lua uh hi ci-in lungphona nasia takin kinei kawikawi hi. Nov. 2014 in zong Cleveland, Ohio ah mivomte kum 12 mi naupang khat thau lim tawh a kimawl laitakin police ten kaplum uh a, thukhen ten a kappa thukhenna dinsakna ding panin na pengsak uh hi.
-Sputnik
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.