AFGHANISTAN GALKAP TEN GAMNUAIMI 6 THAT
April 28, 2016: Afghan galkap ten Kunduz province leilu lamah special operation a bawlna uh-ah gamnuaimi 6 thatin, 60 hingmat uh hi ci'n Afghan defense ministry in gen hi ci'n Khaama Press news agency in suaksak hi.
Nung kha panin Taliban ten 'Spring offensive' kici galdona nasia takin pan uh a, khuapi tuamtuam suam mun mahmah uh hi. Taliban ten vuuk tam sung phalbi hun tengin gal nak do lua lo uh a, khuakhal hong kipat, vuuk khalte a malh khit ciangin galdo nasia takin kipan kik uh a, tua pen 'Spring offensive' ci uh hi. Talibante leitang lak ding dalna in Afghan galkap ten Kunduz province sungah special operation nasia takin a neih laitak uh ahi hi. Hih special operation kineihna ah galkapte a si leh liam om nai lo hi ci'n Afghan defense minister in gen hi.
Nung kum September kha-in Taliban ten Kunduz provincete khuapi Kunduz khuapi sawtpi a umcih khit nungun tawl khat sung la uh a, kikaptuahna hangin nautang tam si lua ahih manin nusiatsan kik uh hi. Kunduz khuapi pen mi 300,000 kiim teenna ahi hi. Tua khit October in zong Kabul leitaw lam-a om Ghazi khuapi Taliban ten lak sawm leuleu uh a, tu dong la zo nai lo uh hi.
-Sputnik
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.