OBAMA IN SYRIA AH GALKAP 250 KISAWL BEH DING HI CI
April 25, 2016 – President Barack Obama in zan-in Syria ah ISte do dingin galkap 250 kisawl beh ding hi cih pulak ding hi ci'n hi. US in Syria ah 'counter-terrorism' mission ding ci'n Syria ah US commando 50 na sawl khin ta a, hih galkap 250 kisawl kik ding vai pen Hanover, Germany ah a zinna ah German Chancellor Angela Merkel tawh Syria buaina a kikupkhawmna ah na gen a, galkap 250 kisawl behna ding vai pen zan 11:25 a.m. (0925 GMT) in Hanover ah gen hi.
IS/Daesh ten Mosul,Iraq leh Raqqa, Syria a ukna panun gam keek behbeh uh a, November in Paris suam in March in Brussels khuapi suam kik uh ahih manin dual nai lo uh hi cih kimu thei hi. Obama in Syria leitang US galkapte kisiksak lo ding hi ci'n na pang den a, ahih hangin hih galkap sawl beh ding vai a geelna pen April 1 in Reuters in na pulak a, tua khit zanin Wall Street Journal in na pulak kik hi.
Obama in Syria ah galkap 250 kisawl beh ding hi ci a, ahih hangin special operations forces, medical leh intelligence support dingin galkap bangzah sawl sawm hiam cih gen cian lo a, Iraq galkapte leh Syria local forces (rebels) kicite huh dingin galkap sawl beh sawm hi hi ci'n US ulian ten gen uh hi. Obama president dingin 2008 in a kiteelcingin Middle East ah gal om khempeuh zawh ding ciamin na hawk baba a, tu dong gualzawhna kician meel nei loin Iraq, Syria leh Afghanistan ah galkap sawl beh ding leh koih lai ding thu gen belin nei ta hi.
Obama in leitung mun tuamtuam ni 6 sung zinna (six-day international trip) nei a, Riyadh, Saudi Arabia pha masa hi. Obama in Iraq leh Syria gamte ah IS dona ah US makaih leh a pawlte lawhcing zel a, ISte sum muhna tampi a kikhaksak banah tampi mah kithat ta a, kikhawl lo dinga, kimainawt zel ding hi ci'n gen hi. Iraq ah December kha-in USte huhna tawh Iraq galkap ten Ramadi khuapi la-in ISte kihawlkhia a, Syria ah Russiate huhna tawh Syria galkap ten Palmyra khuapi ISte khut sung panin laksak hi ci'n gen beh hi.
Obama in tu ni-in British Prime Minister David Cameron, French President Francois Hollande leh Italian Prime Minister Matteo Renzi kimuhpih dinga, Syria buaina vai leh foreign policy tawh kisai buaina tuamtuam (issues) genkhawmna nei ding uh hi.
-News Week
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.