Hun khat lai-in athahat mah singphuk mi khat om hi. Tualeh amah pen sing zuak mihau khat kiangah nasem in om hi. Ama singphuk nading mun pen dongh in sing aphuk theihna dingin hei khat hong ngen hi. Sing phuk pa aadingin aboss pa i akha sum piak zong hoih mahmah in , singphuk pa inzong singtampi phuk dingin hong khensat hi.
Hihbang teng tawh akipatcil ni masa ah singphukpa in singkung 18 hong phuk zo hi. Singphukpa pen aboss pa in sing tampitak phuk zo nahihman in lungkim mahmah ing ci-in pahtawina kam gen hi. A boss pa i pahtawina kam agenna hangin athahat mahmah singphukpa pen lungdam lua in atha zong hat semsem hi. Tuabangteng mahtawh ani nihna hong tung ciangin singkung 15 bek hong phukzo hi.azingteh zong singkung 10 bekmah hong phukzo hi. Ni khat khit ni khat asingphuk phazah tawm semsem hi.
Hihte hangin singphukpa in athahat mahmah kei pen bang hangin sing phuk zo nawnlo ka hi hiam? Ngaihsun kawmsa in anasepna pan tawlnga ding in hong khensat hi. Azingteh ama lampan sing aphukzawhloh man in aboss pa kiangah thuum ding leh nasep tawlnga ding ci-in khuan ngen hi. A boss pa in singphukpa pen
"Nang hei tang bangzah vei taat na hiam" ci-in gen hi.
Singphukpa in zong lamdangsa in kei! nasep manlah lua kahih cianga khatvei zong taat ngei lo ci-in dawng kik hi.
Note; leitungah aom mite in nasem tek uh hi. Ahihhang nasep ding bekbek ngaihsun in hei tang a taat ding leh theihtel dinga akilawm te pen semlo uh ahih cianga singphukpa mahbangin singphuk zo nawnlo zah dongin piang thei ding hihang, tua ahihman in singphukpa pen etteh ding ahihi...
Lungdam...
Thomas Tuang HL
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.