ASSOCIATED PRESS IN NAZITE PROPAGANDA TANGKONA DINGIN HUH
March 31, 2016: German historian Harriet Scharnberg in a genna ah Hitler in Germany a uk lai in Associated Free Press news agency (AP) Third Reich tawh kipawlin nasem uh a, Nazi ten a thupuahtawmte (propaganda) tangkona dingin maan a zatte uh AP in suaksak hi ci hi. Third Reich pen Nazi Germany (a official min dingin Deutsches Reich kici a, tua khitin Großdeutsches Reich or "Great German Realm"/ "Greater German Empire" ci'n kilaih a, 1933 -1945 sung Nationalsozialistische Deutsche Arbeiterpartei (National Socialist German Workers' Party/Nazi Party) ten mi khat thuneihna (Hitler' ukna) tawh a vaihawm hun sung uh teng genna ahi hi.
AP in Nazi ten Jew mite leh nitumna gam mite a huatna un phuahtawm thute a tangkopihna (anti-Semitic and anti-Western propaganda campaigns) dingun news a suaksakna ah maan tampi a zang uh hi ci'n German historian Harriet Scharnberg in APte thusim pholak hi.
Timesofisrael.com in a genna ah Adolf Hitler’ National Socialists Party in thuneihna 1933 in hong let phet un international news agencies khempeuh Germany panin kihawlkhia a, ahih hangin US pansan AP in Third Reichte uk hun, USte Kidopi Nihna ah hong kigolh kum 1941 dong nasem uh hi ci'n gen hi. Harriet Scharnberg in leitunga news agency lian pen AP ten Germany ah na a sep bek uh hi loin Hitler' Nazi Party tawh thukimna suai nangawn kai uh hi ci'n gen hi. AP news agency in news a khah theihna dingin Schriftleitergesetz (editor’s law) kici thukimna nei a, tua a thukimna ah Nazite ukna Third Reich thanemna ding thu peuhmah Germany sung leh leitung mun tuamtuamah news ah a khah lohna ding thukimna nei hi ci'n academic journal Studies in Contemporary History kicihna ah a laipaih ah gelh hi. Harriet Scharnberg’ research thute pen UK-based Guardian newspaper ah kisuakkhiasak masa pen hi.
Guardian in a genna Nazite' editor’s law in AP company-a nasemte Nazi partyte propaganda division ah a sepna ding un aana (force) tawh zang a, 1930 khit a kipanin AP ten Nazite' SS paramilitary unit a propaganda division a sem Franz Roth maan zaih dingin zang uh hi. Frank Roth maan pen Nazi ten a propaganda tangkona dingin nak zat mahmah uh a, a maan a tuansak pen uh Hitler deih pen tuangsak uh hi ci'n Guardian in suaksak hi.
APte maan zatte pen Nazite uk hun sungin a propaganda tangkona lai kikhenkhiate lakah tam kihel a, Nazi ten Jewte huatna laidal “Jews in the US” cih a hawmkhiatte uh-ah APte maan tam tuang mahmah hi. Nazi ten a propaganda a tangkona dingin a zat uh “The Subhuman” kici ah zong APte maan a tam mahmah a, APte maan piak pen a tam pen nihna in pang hi ci'n Harriet Scharnberg in gen hi. AP in Nazi ten Jewte a lom thahna maante uh tuangsak lo uh a, ahih hangin Soviet police leh Soviet galkap - Red Army kici pen ngongtat ci'n a ngongtatna maante bek uh tuangsak uh a, hih bangin American news agency AP ten Hitler' ngongtatna selsim in, Nazite huh uh hi ci'n Scharnberg in Guardian newste kiangah gen hi.
Scharnbern in a thugente pen Guardian in suaksak a, APte minsia mahmah uh hi. AP ten hih thu lim takin kikan ding hi ci'n gen a, Nazite tawh kipawlsim uh hi cih nial hi. AP pen American news agency ahih manin USte Kidopi Nihna hong kigolh ua kipanin Germany panin kihawlkhia hi. Nazi ten Jew mi million guk val na lom thah uh hi.
-Your News Wire/Wikipedia
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.