BREAKING NEWS
INDIA AH FLYOVER KICIM, MI 10 KIIM SI
March 31, 2016: Den deuh in India gam-a om Kolkata (Calcutta) khuapi sung mun kawcikna khatah lampi tunga lei (flyover/overpass) kibawl kicim a, mi 10 kiim si ta dingin ki-ummawh hi ci'n police ten gen uh hi.
Lei kicim in mi tampi vuk khum a, tua a vuk khumte hutkhiatna dingin nakpi takin kihanciam lai hi ci'n police ulian khat in gen hi. Lei kicim in mi tampi vuk khum ahih manin mi bang zah lian vuk khum hi ding hiam cih kitel nai lo a, mulkimhuai mahmah hi ci'n tua mun-a om police ulian Raichand Mohta in gen hi.
Reuters news agency in a genna a lei kicipna mun pen Girish Park kiim hi a, lei in a vuk taxi sunga tuang hutkhiatna dingin siavuante buai mahmah hi ci'n gen hi. Al Jazeera reporter Divya Gopalan in a lei kicipna mun pen mi tam mahmahna mun hi a, hih lei pen kum nga bang kibawl ta a, a zawh ding hunciam tampi peel khin napi kizo lo ahih manin lim takin kibawl lo hi ding a, safety control tawh kituakin kibawl lo hi ding hi ci'n gen hi.
-Agencies and Al Jazeera
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.