Numei Manpha khat a kiciaptehna thu nam 9

1.. Inn nupi khat in a sep ding inn sung nasepte le innkuan sung vaipuakte zo den a, ama pumpi sianthona le inn sung sianthona a thupisak numei.

2.. Nu le pa zahmawh thu ah a tenpih a pasal bek mah lunggulh a, a ngaihsutna nangawn ah pasal dang khatpeuh ngaihsun ngei loin a pasal tungah lungsim a citak numei.

3..  A pasal zon sa neih le lamte kemcing thei a, a kisam bangin a zek thei numei.

4.. A pasal in a kuppih thute zadah loin a sang siam , a ngai siam numei.

5.. A pasal lungsim en den a, a pasal in bang deih bang kisam cih thei-in a sepsak numei.

6.. Khuahun tawh kizui-in, a pasal silh le ten a guan siam numei.

7.. A pasal sangin ihkhun a zuan hak zaw den numei.

8.. A pasal tawh ma-in a to baih zaw den numei.

9.. Maitai den a kamkhun le awnem a zang thei numei.

{ Sia. Bone Myint Tway laibu sung pan ei Zolai tawh ka siam theih tawpin kong let kik ahi hi. }

Hih a tunga thute pen mi khat tungah om khin dikdek ding cih zong om thei tuan lo hi. Tua ahih manin hih a tunga thute tawh a vekin na kituak loh hangin numei hoih lo na hi pah kei hi.

Ahang pen hih a tunga thute pen tuma kum tampi lai pek a mihingte’ ciaptehna ahih manin tu hun tawh a kituak thei nawn lo, tu hun a zat ding a lem nawn lo thu pawlkhat om thei hi. Gentehna, a pasal lup hun ma-in lum ngei lo cih bang pen nupa a nasemte le nasep hun kibang lo cih ahi a, a pasal pen ihmut hun a ihmu ngei lo, nitak sim bawhlung tawh buai den, ahih kei leh zu dawn ahih manin lup kuan ah inn om ngei lo, vakthap den cih bang om thei hi.

Hih bang thute a kigen ciangin innkuan sung nupa kaal sungah numei bek hoih cih bang om thei ngei lo hi. Nupa kaal sungah zi hi ta leh pasal hi ta leh khat zaw bek hoih cih pen tua a hoih zaw ii nuntakiza pen hehpihhuai mahmah hi. A zi/ a pasal hangin genthei mahmah a, a zi/a pasal hoih lohna khempeuh thuak den ahih manin kim le pam pan a mu a ente adingin zi hoih pasal hoih suah ding kihtakhuai phial thei hi.

Nupa kilamzia man taktak pen hoih ding a kituh nupate sung bek mah ah sawt kip thei pen hi.

Job Cinpi
Zomi Laisim nuamte