.
It le Ngaihte Tawh Na Kitot Ciangin.
Kiit kingai a kiteng nupa khat zong kitawng kihau thei ahih leh kiit kingaihzia a sincil a kipancil lawm kingaite kikaal ah kitot kisel hun a om thei ding mah ahi hi. Ahi zongin hih kitot kiselna thu ah thu nam nih om thei hi. Kinawlkhin nop manin mawhna kizonga, khat le khat kilungkiatsak theihtheih nadingin kitot kisel theih nading buaina a zong a bawl mite kizopzia le mihing lungsim kibat lohna hangin ngaihsutzia le muhzia kibat lohna hangin a piang buaina ci-in nam nih om a, a nih in kilamdang mahmah hi. .
Tua ahih manin na kikaal uh buaina abang hang hiam cih na theih ding kisam masa hi. A tunga kigen buaina nam nihte lak ah a nihna zaw pen ahih leh hih a nuai a thute zuihna tawh na kikaal kizopna uh kilemtuah kik thei hi cih kong theisak nuam hi.
1.. Itna sungah kizawhthawhna om lo hi.
Lungsim ngaihsutzia kibat lohna hangin na it na ngaih mi khat tawh na kitot khak ciangin itna sungah kizawhthawhna om lo hi cih na phawk ding kisam hi. Lawm kingatte bek hi loin nupa kaal sung nangawn ah hih thu a thei lo mi tampi om uh ahih manin kiit kingai mahmah a kiteng nupa takpi nangawn lungsim le ngaihsutzia kibat lohna lel tawh khat le khat kizothawh nuam-in a tung nung nuam kituhbawl thei uh hi.
Itna sungah kizawhthawhna om lo ahih lam ngaihsun kha lo uh ahih manin thu neuno khat tawh kam kinialna panin kikhen lawh ding zah dongin thu lianpi suah thei uh hi. Tua ahih manin itna sungah khat le khat kizawhtawhna om lo ahih manin tua bang lungsim hoih lohna hong lut khak loh nadingin nupa kaal sung hi ta leh lawm kingaite hi ta leh hih thu theihtel ding kisam hi.
2.. Kimawhsak ngei lo ding
Buaina khat a pian ciangin akua hangin hih buaina piang cih lam tawh buaina a pianna thu bulpi kan kik ding pen thu hoih hi lo hi. Akua hangin hih buaina piang cih lam sangin a koi bangin pianga, a koici kipat cih lam kan zawk ding pen buaina a ven zawh nading lampi man hi zaw hi. Mihingte pen a mawh nuam kuamah kiom lo hi. Tua bek tham loin ei hong it hong ngaite kammal pan mawhsakna kammal i zak tak ciangin dahna lian zaw sem lai hi.
Pawlkhatte in hih thu thei lo uh ahih manin akua hangin buaina piang ci-in khat le khat kikawk nuam uh ahih manin tua a buaina uh a kipatna ahang tawh a kisai nawn lo, khat le khat kizawhtawhna le tungtuan nopna lungsim tawh a kizopna uh kitat zah dongin om thei uh hi.
3.. Ama tung ah na lungsim puakzia ngaihsun kik in.
Ama tungah na lungsim puakzia cih ciangin amah na itna le tua na itna hangin ama tungah na tuakzawhna, na kitot hun ma-in ama tungah na lungsim puakzia bangci om cih ngaihsun kik in. Amah na muhdah manin hih buaina a piang ahiam, ahih kei leh hih buaina hangin ama tungah na muhzia a kikhal pak hi zaw ahiam cih mu thei pan ding hi teh.
A zenzenin hih buaina hangin ama tungah na lungsim puakzia le na muhzia a kikhel pak ahih khak leh hih buaina hangin amah tawh na kigamlat ding pen hoih lo hi. Ahang pen hih buaina in ama tunga na lungsim puakzia a khel pak ahih manin, hih buaina hangin amah na taisan khak leh buaina a om nawn loh hun, ahih kei leh buaina a piangsak thuman na muh na tel hun ciangin amah na lunggulh kik kha ding hi. Ahi zongin tua hun ciangin amah zong ……..dandan..dannnnnnnnnnnnnn…
4.. Itna kisit khial lo ding
A diakin lawm kingaite sungah hih itna kisit cih thu pen kitam muh mahmah thei hi. Hong it takpi ahiam, hong ngai takpi mah ahiam ci-in khat le khat kisit thei uh hi. Ahi zongin tua itna kisit cih pen kitot kisel hun sungin mawk zat khak loh ding thupi mahmah hi. Hong it takpi ahih leh keima khialhna ahih hangin ama lam pan hong thum masa zaw lel in teh cihte pen baih ngaihsut khak loh ding kisam hi.
Itna sit theih nading pen lampi dang tampi om a, hih buai hun sungin itna a kisit khak pawlkhatte pen khat le khat kiit kingai lo hi kilkel lo napi kikhen suak hiau thei takpi uh hi.
5.. Kihihsakna nawlkhin phot ding
Kihihsakna lungsim pen lauhuai mahmah a, hih kihihsakna lungsim in itna sungah mun a ngah khak tak ciangin it le ngaihte nangawn dem nopna hong om ta hi. It le ngaihte tung nangawn ah tungtuan nopna le zawhthawh nopna hong om ta hi.
A masa pen a ka gensa mah bangin itna sungah khat le khat kizawhthawhna om lo hi ka cih mah bangin, a kiit a kingai mi nih kitot kiselna sungah kihihsakna lungsim pen mun piak khak het loh ding kisam hi. Hih kihihsakna in mun hong ngah tak ciangin mawh keng khial keng cih nopna lungsim hong lian semsem hi. Tua mah bangin a lang khat lam ah, nangma mawhna, nang a khial, nang mah a kisam, nangma hang hi cih ngaihsutna lam hong thahat semsem haih manin thukhupna pen hong hoih thei nawn lo hi.
Job Cinpi
Zomi Laisim nuamte
Kiit kingai a kiteng nupa khat zong kitawng kihau thei ahih leh kiit kingaihzia a sincil a kipancil lawm kingaite kikaal ah kitot kisel hun a om thei ding mah ahi hi. Ahi zongin hih kitot kiselna thu ah thu nam nih om thei hi. Kinawlkhin nop manin mawhna kizonga, khat le khat kilungkiatsak theihtheih nadingin kitot kisel theih nading buaina a zong a bawl mite kizopzia le mihing lungsim kibat lohna hangin ngaihsutzia le muhzia kibat lohna hangin a piang buaina ci-in nam nih om a, a nih in kilamdang mahmah hi. .
Tua ahih manin na kikaal uh buaina abang hang hiam cih na theih ding kisam masa hi. A tunga kigen buaina nam nihte lak ah a nihna zaw pen ahih leh hih a nuai a thute zuihna tawh na kikaal kizopna uh kilemtuah kik thei hi cih kong theisak nuam hi.
1.. Itna sungah kizawhthawhna om lo hi.
Lungsim ngaihsutzia kibat lohna hangin na it na ngaih mi khat tawh na kitot khak ciangin itna sungah kizawhthawhna om lo hi cih na phawk ding kisam hi. Lawm kingatte bek hi loin nupa kaal sung nangawn ah hih thu a thei lo mi tampi om uh ahih manin kiit kingai mahmah a kiteng nupa takpi nangawn lungsim le ngaihsutzia kibat lohna lel tawh khat le khat kizothawh nuam-in a tung nung nuam kituhbawl thei uh hi.
Itna sungah kizawhthawhna om lo ahih lam ngaihsun kha lo uh ahih manin thu neuno khat tawh kam kinialna panin kikhen lawh ding zah dongin thu lianpi suah thei uh hi. Tua ahih manin itna sungah khat le khat kizawhtawhna om lo ahih manin tua bang lungsim hoih lohna hong lut khak loh nadingin nupa kaal sung hi ta leh lawm kingaite hi ta leh hih thu theihtel ding kisam hi.
2.. Kimawhsak ngei lo ding
Buaina khat a pian ciangin akua hangin hih buaina piang cih lam tawh buaina a pianna thu bulpi kan kik ding pen thu hoih hi lo hi. Akua hangin hih buaina piang cih lam sangin a koi bangin pianga, a koici kipat cih lam kan zawk ding pen buaina a ven zawh nading lampi man hi zaw hi. Mihingte pen a mawh nuam kuamah kiom lo hi. Tua bek tham loin ei hong it hong ngaite kammal pan mawhsakna kammal i zak tak ciangin dahna lian zaw sem lai hi.
Pawlkhatte in hih thu thei lo uh ahih manin akua hangin buaina piang ci-in khat le khat kikawk nuam uh ahih manin tua a buaina uh a kipatna ahang tawh a kisai nawn lo, khat le khat kizawhtawhna le tungtuan nopna lungsim tawh a kizopna uh kitat zah dongin om thei uh hi.
3.. Ama tung ah na lungsim puakzia ngaihsun kik in.
Ama tungah na lungsim puakzia cih ciangin amah na itna le tua na itna hangin ama tungah na tuakzawhna, na kitot hun ma-in ama tungah na lungsim puakzia bangci om cih ngaihsun kik in. Amah na muhdah manin hih buaina a piang ahiam, ahih kei leh hih buaina hangin ama tungah na muhzia a kikhal pak hi zaw ahiam cih mu thei pan ding hi teh.
A zenzenin hih buaina hangin ama tungah na lungsim puakzia le na muhzia a kikhel pak ahih khak leh hih buaina hangin amah tawh na kigamlat ding pen hoih lo hi. Ahang pen hih buaina in ama tunga na lungsim puakzia a khel pak ahih manin, hih buaina hangin amah na taisan khak leh buaina a om nawn loh hun, ahih kei leh buaina a piangsak thuman na muh na tel hun ciangin amah na lunggulh kik kha ding hi. Ahi zongin tua hun ciangin amah zong ……..dandan..dannnnnnnnnnnnnn…
4.. Itna kisit khial lo ding
A diakin lawm kingaite sungah hih itna kisit cih thu pen kitam muh mahmah thei hi. Hong it takpi ahiam, hong ngai takpi mah ahiam ci-in khat le khat kisit thei uh hi. Ahi zongin tua itna kisit cih pen kitot kisel hun sungin mawk zat khak loh ding thupi mahmah hi. Hong it takpi ahih leh keima khialhna ahih hangin ama lam pan hong thum masa zaw lel in teh cihte pen baih ngaihsut khak loh ding kisam hi.
Itna sit theih nading pen lampi dang tampi om a, hih buai hun sungin itna a kisit khak pawlkhatte pen khat le khat kiit kingai lo hi kilkel lo napi kikhen suak hiau thei takpi uh hi.
5.. Kihihsakna nawlkhin phot ding
Kihihsakna lungsim pen lauhuai mahmah a, hih kihihsakna lungsim in itna sungah mun a ngah khak tak ciangin it le ngaihte nangawn dem nopna hong om ta hi. It le ngaihte tung nangawn ah tungtuan nopna le zawhthawh nopna hong om ta hi.
A masa pen a ka gensa mah bangin itna sungah khat le khat kizawhthawhna om lo hi ka cih mah bangin, a kiit a kingai mi nih kitot kiselna sungah kihihsakna lungsim pen mun piak khak het loh ding kisam hi. Hih kihihsakna in mun hong ngah tak ciangin mawh keng khial keng cih nopna lungsim hong lian semsem hi. Tua mah bangin a lang khat lam ah, nangma mawhna, nang a khial, nang mah a kisam, nangma hang hi cih ngaihsutna lam hong thahat semsem haih manin thukhupna pen hong hoih thei nawn lo hi.
Job Cinpi
Zomi Laisim nuamte
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.