Cidamna : Sahawk gah ( Grapefruit)

Grapefruit pen sahawk gah 🍊 Citrus (lemon) namkhat ahihi . Haikhat 190 gram sungah Vitamins C 193% kihel aa , Ih pumpi ah nikhat aa dingin a kisam potassium 12 % percent ki ngah  hi . Thakhuah na fiber dat 8% om ahihi .
🔹Zun paina lampi ah Bacteria lungno lut loh nading dal

Tui tampi dawnna Leh Creambarry Juice dawnna hangin zun paina lampi ah Bacteria lungno dalin a khaktan thei penpen leh zatui hoih khat ahihi . Vitamin C tampi a kihel Grapefruit pen numei naupaai laitak a cisa dul suah in vom cihbang a pain loh nading in dalin ci vomsuah saklo hi . Zun paina lampi ah Bacteria lungno beisak hi . Zun lakah Vitamin C te nasepna khuah in hoihsak mahmah hi .

🔹Liam ma manlang in damsak  baih
Ki at ciang ama dambaih nadingin Vitamin C atam mahmah Grapefruit nekding ahoih mahmah khat ahihi .Vitamnin C in ci vun hoihlo a ton te  Puan ton thilthel puantaihna tawh ih taih bangin hoih hilhial sak hi .

🔹Ha leh kamsung cidam sak
Ha bulpan hani khawngpan siluang khia , ha kisia cihte pen Vitamins C a tawm luatman ahihi . Ih vun aa dingin ahoih mah bangin ii ha , hanii kamsung aa dingin cidamna tampi pia hi .

🔹sitawm luat ciangin zong huhin tha napia
Vitamins C in ii pumpi sungah sikdat  kisam te ahup khia apaikhia a omloh nadingin nakem cing hi ci-in Science te sinna pan kithei khia hi . Pumpi sungah sikdat a tawntung in omtheih nadingin orange juice dawn hamtangh in ! Hoih mahmah hi . Vitamin C a om anteh Leh sate nekhawm zelzel in !

🔹Sisan pongman takin paisak
Grapefruit nek ahoihna khat bang hiam cih Leh Potassium tam ahihmanin si khangsaklo tuam mahmah hi . Potassium in sikhang kiamsak hi . Avocado thawhbat, nahtang cihte lakah Potassium tamin nekhuai singgah ahihi .

🔹Guh natna hong pian loh nadingin dal
Ann nek tuidawn lakah Potassium tampi nekna dawnna hangin guh neu sak cihte omlo in , guh lam aa ding hoih sak mahmah hi

🔹khe ah sagolh tai cihbang a omloh nadingin dal
Na khe sagolh tai hong piang pahpah Leh napumpi ah Potassium ki nak sap mahmah cihna hipah hi .potassium in ci leh sa kaitang in gilpi vun nate zong hoih sak hi .

🔹gilpi aa dingin hoih
Grapefruit ah fiberdat namkhat om ahihman in gilpi aa dingin hoih sak mahmah hi . Gilpi um pongman taaksak den hi .လိပ္ေခါင္း Leh gilpi cancer ngah nading pan zong nadal hi .

🔹 hong thau lo sak
Grapefruit sung aom fiber dat pen in thauluat nading pan nadal in kem hi .fiber dat  
tampi akihel anteh singah ne in , gilpi sungah sawtvei hong omciang gilkhial lua cihbang omlo in gilvah tawh hong kibang sak den ci-in gen uhhi . An nek ciang annte haizian dikdek leng gilvah dankhat nuam hi , ann tampi nek ki zonggsang lo hi . Grapefruit pen Vitamin C , Potassium, protein kihel ahihi .

Pau Teuh