Ki kaplum : NLD Adviser U Ko Ni

Hih photo pen NLD adviser U Ko Ni, a nung pan kap ding aa, a ngim laitak a kizaih kha hi. (a zaih pen in, hilaitak, awng be ba leh bang a ci tam cipong)

upmawh teng at suk zel pong dih ni in, a lunglut te bek in ong kuppih un. (a haipau dingte kideihlo lolz)

1. U Ko Ni pen sitni, NLD te' ii adviser hi in, kum tampitak kawlgam aa dingin na a sem khin khat hi. Pil in, a pum deihlo te aa dingin laklawh ding hi. A thu tawh lah zolo, sum leh paai tawh lah, golhguk cihte tawh ki ngah nam hilo in, nawngkai sa mahmah ding uhhi

Pum deihlo cihna ah a hang a tuamtuam hi ding hi. Mimal vai, panmun kituh vai, thu kikupna ah a ma thute a lutzawk hang, a diakdiak in, muslim a hihna hang hi diak kha ding hi.

2. A mah pen, panmun len ulianpi cih a hihloh hang' kawlgam aa panmun len, ulianpi te leh mipil mipi a kuama ciat in a lunggulh penpen a hi, 2008 thukhun khel nading vai ah, a thupi mahmah lam a hihi.

Khantohna (mei, lampi, sang, zato) cihte sang' a kideih masazaw leh a kisam masazaw takpi pen hih thukhunpi khel ding hi aa, a  man lah a gen ngam, a vaihawm ngam leh thukhun tawh kisai pilna nei ahihman in, kawlgam aa dingin supna lianpi cih theih hi. (a diakdiak in, mualtung mite aa ding)

3. A kithatna a hang bel, kawl biakna lam ah a uang khengval ngaihsutna neite lam pan hikha dingin uphuai sapen ing. (Muslim a hua ngiat te)
Pawlkhat in rakhine te zngh hi inteh ci uhhi. A upmawhna uh a hang bel, a gam vuah muslim buailua a hihman in cih tawh hi aa, hih bel % tawm mahmah sa ing.
Ahihkei leh galkap te in, hih thukhun puahna vai ah nawngkai sa uh aa galkap lam pan hi ding hiam a ci zong om in, tua bel, galkapte hi leh, lampi dangtawh suamzaw un um ing.

T L Tuang
Admin: Fb Innpi