22 October 2016 ni- nai 1:00pm - 3:00pm sung Zangkong khuapi sungah zomi te neihsa sangpi ahi Faith Baptist Theology Seminary(Dr. Do Suan Mung sangpi) sangpi(Sanchaung/Dagon Center nung) ah Global Zomi Alliance-Youth Department te makaihna tawh
-ZOMI KHANGNO : KA LUNGGULH KA MAILAM- cih thulu bulphuh-in anuai-a thulute kikup khopna neiding hi.
1. Gamvai le Ki-ukna Lam (Politic)
Gtn. Kumpi sungah panmun leh 'za', Parties nasepna, Zomi kipawlna tuamtuamte' nasepna(CSO)te pan gam le lei khantoh nading mapang khop dan ding. . . . .
2. Sumlepaai zonna Lam (Business)
Gtn. Thukhun tawh kituak sum zonna, kiimlepaam susia lo-in i gamsung piang nate tawh sungtum puasuak a summet bawlzia dingte. . . . .
3. Pilsinna Lam(Education)
Gtn. Pilna sin kha lo naupangte pilna sintheih nading, lai theilo a omloh nading bangcih ding?, Laitan sang zop theih nading bangci panpih ding…..
>
4.Khualetui khantoh nading (URBANIZATION & RURAL DEVELOPMENT)
Gtn. Khuadangte tawh kizopna lampite bangcih ding, khua sungah inn hoih tam nading, meiletui nuamtaka zat theih nading, cidamna le kikep zia khantoh nading…..
5. Gamsung gampua a-om Zomi te-in koi-danin Zomi hihna le Zomite Khantoh nading ma pangkhawm theiding (Lunggulh sut theih)
Gtn. Omna mun aom midangte tawh liangko kikima nuntak zawh nading, Zolai, Zopau siam nading, Ngeinate hoih tak kepcing dan ding…..
Hih kikupnate pen Zomite’ omna leitung mun tuamtuamte ah bawl dingin geelna kinei hi. Internet line a lemna muna kibawl kikupnate pen Facebook pan live in kikhah khia ding hi. Hih kikupna a kibawlna munte ah vai tuamtuam hangin a kihel man lo khangnote ahi zong, lawmta ahi zong, khangno kipawlnate khat peuhpeuh in amau lunggulhna a sung khiat nop leh, thuluneu khat ciangin A4 laidal khat a val lo, tom-kim-cing in, gzayouth@gmail.com ah kipuak thei hi.
Hih kikupnate khempeuh gawmkhawmin hoihtak kilemtuah dinga November 24-27, 2016 sung a kibawl ding GZA Khawmpi ah kipuak ding hi. Tua bek thamloin, mi khat peuhpeuh in ahizong, kipawlna khat peuhpeuh in ahizong, Zogam khantoh nading leh Zomite’ phattuam nadingin a etkaknop leh zongh phaltakin kipia ding hi.
•Theihding:
1. “Zomi ka hi hi” cih lungsim dapphahin kikup ding ahi hi.
2. Zogam bulphuhin kikup ding ahi hi.
3. Kum 30 nuai siah khangnote’ kikup ding ahi hi.
4. Kum 30 a cing khinte in ih naute'n a lunggulhnate uh hoih taka a sungkhiat theih nadingin panpih theihna bangbangin ih panpih ciat ding ahi hi.
5. A nunung pen October 31, 2016 ciang a kikupna leh thu sungnate bek kisang ding hi.
Global Zomi Alliance
Youth Department
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.