Zomi numeite bek hilo Zomite adingin mailam ah lam-etna tampi hong guan ahi Rev.Dr.Ciin Sian Khai ( CSKhai) zi ahi Siamah Sian Len Sung in Germany gam Hamburg University ah MPH (Master of Public Health) a sinlaitak hia, a course work zokhin hi. Tu-in Master Thesis, Kawlgam tawh kisai agelh laitak ahihi. A Thesis gelh a Professor ten lunglut uh ahihman in Kawlgam ah field research neiding in sawl uh hi. August 18, 2016 ni-in a innkuan un Hamburg Germany panin Yangon ciah uhhi.
Kawlgam sung Lashio khuapi bulphuh in research a bawl ding ahi hi. A zawdeuh in HIV/AIDS leh Khamtheih guih theih zatna pan kilawh natna tuamtuam te research a bawl ding ahi hi.
Research a bawl khitzawh September 21, 2016 ni-in Yangon pan Hamburg ah paikik ding uhhi. Gam tuamtuam ah Zomi pilna siamna a sin akua mapeuh in maban limcii vive ih neih kim manin mailam Zomite adingin Thupha hoih khat ngaihsut gige ing. Lungdampihna kong puak hi.
Thawn Tuang
Zomi Angvaan
August 20 2016
www.zomi-angvaan.blospot.com
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.