Panglong vai leh kilemna bawl ding cih thu hong thang a leh CNF te zong "nuvei pavei !" ei zong kihel nuam si hang ee ci in, KNU makaipi lutol hai tutut pa maibiak in, na kihona vuah ko zong hong kihelsak un ci uh hi.
KNU lutolpa tepawl in zong UNFC ah mun angah phatloh leh KNU sung mahmah ah amah deihlo tampi om cih thei ahihmanin, a mi tamsakna in Kawl kumpi tawh kihona ah CNF zong hong pomsak pong vevua ci hi.
Tua huhau in CNF zong 8CA thutangpek teng tawh kipawlin Kawl kumpi tawh kihona hong kihel kha hi.
UNFC in KNU bel tawpsak ngamlo napi CNF te UNFC pan tawsuih khia uh hi.
Kawl kumpi tawh kihokha pongpong ding cih ciangin lawp lua mahmah in Ngun Cung Lian, Lian Hmung Sakhong leh Sui Khar makaih in team khat bawl khia uh hi.
Mizo National Front leh India kiho theih ciangin MNF makai Lal Denga pen CM them vei semsak uh hi.
Tua daan ding sa in Haka ah Ngun Cung Lian leh Sui Khar CM kituh in kitawnggawp pah malam uh ci hi.
Tua thu Kawl kumpi in a theih ciangin Ngun Cung Lian zolsimin Kawl kumpi molhtum in tua kipan zang uh hi.
CNF in Ngun Cung Lian hawlkhia ngamloin CNF member khat mah in koih lai pong hi.
Thein Sein in Chin state CM pia ding kisa uh hihtuak hi.
Tuabang kawmkal leh Kawl kumpi leh CNF kihona ah Suii Khar in kei pen Thantlang Ukpi khang 5 na hi ing ci in kisailopi gen dihdih hi.
Ngun Cung Lian ademna in Kawlgalkap lubiik Min Aung Hlaing amah guak in musim in tua photo pen online ah khah in kizeelsak hi.
Kawl kumpi tawh politis zong kihona omnailo hici malam uh hi.
Tuabanga hong buaigawp uh ciangin tangthu ah mipi kawkden dingin Nang Lian Thang NCA ah sign sak in molhtumin zang leuleu uh hi. Nang Lian Thang zong Kawlmangpa tawh kithei kha, sumbawlna ah lampi kihong ding ci in lawp mahmah in sign daidai hi.
Hi tungtanga zehphi masa leh Zogam zuaknanga pwesar/broker sem masa pen Dr.Ngun Cung Lian ahihi.
Ngun Cung Lian in Thein Sein kiangah state leh division 14 phiat kul sese loin federal kadeih uh hi ci in mai-etna leh ama gilpi ding khualna tawh mualgam zuak hi.
Tua thu pen amah mah in DVB debate ah angtang tak a agen ahihi.
21st Century Zogam pwesar masa penpen Ngun Cung Lian ahihlam a khangkhangin ciamtehciat ni.
Pu Zo Khup
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.
EmoticonClick to see the code!
To insert emoticon you must added at least one space before the code.