PENTAGON LEH CIA TEN SYRIA GAM-A MILITIAS A PANPIHTE UH KIKAPTUAH DINGIN THUPIA : LA TIMES
March 30, 2016: The Los Angeles Times (LA Times) newspaper in US Secret Agent - CIA leh USte galphualpi - Pentagon in Syria gam-a galdo dinga kipiakhia galkapte (miliatias/rebels) a huhte uh kikaptuahna dingin thupia hih cih thuman lim tawh lak (evidence) in pholak uh a, US ten ISte do a kineih khembawlna thu uh pulak khia hi. US kumpi in zong CIA leh Pentagon in amau miliatias panpihte kiangah a kikaptuahna dingun thu pia mah uh hi ci'n gen hi.
LA Times in a genna ah a beisa kha nih sungin CIAte militias panpihte leh Pentagonte militias panpihte Aleppo leilu lam kituh in nasia takin kikaptuah ta uh hi ci'n pholak (exposed) hi. US ulian leh kumpi lehdo gamnuaimite (rebels) hih mun kituh in kikaptuah mah uh hi cin gen hi. February 2015 a kipanin CIA ten galvan a piak militia - Fursan al Haq (Knights of Righteousness) kicite leh Pentagon in galvan tawh a huh Syrian Democratic Forces kicite Kurdish rebelste ukna nisuahna panin hong pai in, Aleppo sunga om Marea khua panin Fursan al Haq (Knights of Righteousness) kicite hawl khia uh hi. Hih USte mizat Syria militia nihte kidona hangin Pentagon leh CIAte kituah lohna pholak a, US in galdo ding dan kician geelna nei vet lo hi ci'n LA Times in suaksak hi.
US ulian min gen loh khatin (a min pulak ding kiphal lo hi) a genna, "Hih bang thu a om manin gal dona ding mun tampi pian' lawh a, lei lamah kipawlpih ding kisam mahmah napi hih thute hangin nawngkaina lianpi piangsak hi. Hih miliatiate a kituah kei uh ISte kizo ngei lo dinga, a kituahna dingun nakpi takin kihanciam hi," ci'n gen hi.
LA Times in a genna ah, "US ten Syria ah ISte zawh ding pen a ngim masak pen uh hilo a, Syria mite deihna banga kiteelcing President Assad laihkhiat ding bek hi zaw hi cih pen i tel khiat loh ding ahi hi. US ten a ngimna lakah a nihna pen ISte zawh ding hi loin a hat luat ding uh dal ding/kep ding (containment of IS) hi a, USte Syria ah a kigolh ma un ISte kiza vet lo hi," ci'n gen hi. "Pentagon in Kurdish rebels 80% kiim bang training pia ngeknek a, hih Kurdish rebels/force-te pen Syrian Democratic Forces kici uh a, Turkey gamgi a IS omte do dinga Pentagon in huhna a piak ahi hi. CIA ten Islamic rebels kipawlna (groups) tuamtuam tank kapsiatna thau (anti-tank TOW missiles) leh galvan gol pipite (heavy armaments) pia uh a, Aleppo province sungah President Assad' galkapte do dinga galvan a piak ahi hi. Pentagon in huhna a piak militiate pen ISte do dinga a huh ahih manin leitung mite (international community) kipawlna tawh kituak a, ahih hangin CIAte huh miliatia/rebelste pen a sim tham a ngimna (completely covert effort) hi a, President Assad kumpi laih ding ngimna bek ahi hi," ci'n LA Times in pholak hi.
LA Times in a genna ah US teh hih militiate training, sum leh galvan tawh a huh khit ciang un militia ten gam la uh a, tua khit ciangin uk zo nawn lo hi ci'n gen hi. Hih USte' huh (US - backed Islamists) Islamic gamnuaimite gam kituh in khat leh khat a kido bek uh hi loin kumpi ki-ukna suksiat ding leh kumpi laih ding (regime change) bek ngim in nei uh hi. Syria a USte ngimna leh ngian (policy) pen CIA leh Pentagonte huh militiate (backed rebels) kikaptuahna hangin tangtung thei lo a, ahih hangin President Assad a kilaihkhiat zawh mateng hih militia ten nawngkaina piangsak ding uh ahih manin thu khat panin USte ngian a tangtung khat suak veve hi.
Nung kumin The Free Thought Project in You Tube ah video khat suaksak a, tua video khui sungah US ten President Assad' galkapte kapna dinga Syria rebelste tungah a piak USte bawl tank kapsiatna US TOW Missile kici tawh Syria rebels ten USte galdona mawtaw (US Humvee a kicite) kapsiatsak uh a, hih thu panin US foreign policy a ginat lohna leh thulim lohna (absurdity) hong kitelciansak mahmah hi ci'n LA Times in a laipaih (articles) suaksak khum hi. (Los Ageles Times pen LA Times ahih kei leh Times zong kici a, 1881 a kipanin Los Ageles, California panin nisim in kikhenkhia den hi. March 2013 in a kiciamtehna ah nisim in LA Times copy 653,868 kikhenkhia den a, Nipini simin copy 954,010 kikhenkhia den hi)
-Your News Wire/Wikipedia
A um lo gieugiau na om uh leh hih link na sim lel vuau http://yournewswire.com/us-gov-admit-cia-militias-fighting-pentagon-militias-in-fake-syria-war/
March 30, 2016: The Los Angeles Times (LA Times) newspaper in US Secret Agent - CIA leh USte galphualpi - Pentagon in Syria gam-a galdo dinga kipiakhia galkapte (miliatias/rebels) a huhte uh kikaptuahna dingin thupia hih cih thuman lim tawh lak (evidence) in pholak uh a, US ten ISte do a kineih khembawlna thu uh pulak khia hi. US kumpi in zong CIA leh Pentagon in amau miliatias panpihte kiangah a kikaptuahna dingun thu pia mah uh hi ci'n gen hi.
LA Times in a genna ah a beisa kha nih sungin CIAte militias panpihte leh Pentagonte militias panpihte Aleppo leilu lam kituh in nasia takin kikaptuah ta uh hi ci'n pholak (exposed) hi. US ulian leh kumpi lehdo gamnuaimite (rebels) hih mun kituh in kikaptuah mah uh hi cin gen hi. February 2015 a kipanin CIA ten galvan a piak militia - Fursan al Haq (Knights of Righteousness) kicite leh Pentagon in galvan tawh a huh Syrian Democratic Forces kicite Kurdish rebelste ukna nisuahna panin hong pai in, Aleppo sunga om Marea khua panin Fursan al Haq (Knights of Righteousness) kicite hawl khia uh hi. Hih USte mizat Syria militia nihte kidona hangin Pentagon leh CIAte kituah lohna pholak a, US in galdo ding dan kician geelna nei vet lo hi ci'n LA Times in suaksak hi.
US ulian min gen loh khatin (a min pulak ding kiphal lo hi) a genna, "Hih bang thu a om manin gal dona ding mun tampi pian' lawh a, lei lamah kipawlpih ding kisam mahmah napi hih thute hangin nawngkaina lianpi piangsak hi. Hih miliatiate a kituah kei uh ISte kizo ngei lo dinga, a kituahna dingun nakpi takin kihanciam hi," ci'n gen hi.
LA Times in a genna ah, "US ten Syria ah ISte zawh ding pen a ngim masak pen uh hilo a, Syria mite deihna banga kiteelcing President Assad laihkhiat ding bek hi zaw hi cih pen i tel khiat loh ding ahi hi. US ten a ngimna lakah a nihna pen ISte zawh ding hi loin a hat luat ding uh dal ding/kep ding (containment of IS) hi a, USte Syria ah a kigolh ma un ISte kiza vet lo hi," ci'n gen hi. "Pentagon in Kurdish rebels 80% kiim bang training pia ngeknek a, hih Kurdish rebels/force-te pen Syrian Democratic Forces kici uh a, Turkey gamgi a IS omte do dinga Pentagon in huhna a piak ahi hi. CIA ten Islamic rebels kipawlna (groups) tuamtuam tank kapsiatna thau (anti-tank TOW missiles) leh galvan gol pipite (heavy armaments) pia uh a, Aleppo province sungah President Assad' galkapte do dinga galvan a piak ahi hi. Pentagon in huhna a piak militiate pen ISte do dinga a huh ahih manin leitung mite (international community) kipawlna tawh kituak a, ahih hangin CIAte huh miliatia/rebelste pen a sim tham a ngimna (completely covert effort) hi a, President Assad kumpi laih ding ngimna bek ahi hi," ci'n LA Times in pholak hi.
LA Times in a genna ah US teh hih militiate training, sum leh galvan tawh a huh khit ciang un militia ten gam la uh a, tua khit ciangin uk zo nawn lo hi ci'n gen hi. Hih USte' huh (US - backed Islamists) Islamic gamnuaimite gam kituh in khat leh khat a kido bek uh hi loin kumpi ki-ukna suksiat ding leh kumpi laih ding (regime change) bek ngim in nei uh hi. Syria a USte ngimna leh ngian (policy) pen CIA leh Pentagonte huh militiate (backed rebels) kikaptuahna hangin tangtung thei lo a, ahih hangin President Assad a kilaihkhiat zawh mateng hih militia ten nawngkaina piangsak ding uh ahih manin thu khat panin USte ngian a tangtung khat suak veve hi.
Nung kumin The Free Thought Project in You Tube ah video khat suaksak a, tua video khui sungah US ten President Assad' galkapte kapna dinga Syria rebelste tungah a piak USte bawl tank kapsiatna US TOW Missile kici tawh Syria rebels ten USte galdona mawtaw (US Humvee a kicite) kapsiatsak uh a, hih thu panin US foreign policy a ginat lohna leh thulim lohna (absurdity) hong kitelciansak mahmah hi ci'n LA Times in a laipaih (articles) suaksak khum hi. (Los Ageles Times pen LA Times ahih kei leh Times zong kici a, 1881 a kipanin Los Ageles, California panin nisim in kikhenkhia den hi. March 2013 in a kiciamtehna ah nisim in LA Times copy 653,868 kikhenkhia den a, Nipini simin copy 954,010 kikhenkhia den hi)
-Your News Wire/Wikipedia
A um lo gieugiau na om uh leh hih link na sim lel vuau http://yournewswire.com/us-gov-admit-cia-militias-fighting-pentagon-militias-in-fake-syria-war/
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.