NATO IN RUSSIA TEN HONG SIM KHAK UH LEH CI'N EUROPE GAMTE KIGINGSA A OM DINGIN WARNING PIA
March 31, 2016: NATOte' top commander in Europe gamte kiangah Russiate hong sim ding dalna in Baltic kiim-a huih khua kidalnate (air defenses) khan'sak beh uh ci'n theihsakkholhna pia hi. March 2014 in Ukraine gam sunga om Crimea in Russia beel nuam ahih manin mipi in vote khiatna (referendum) nei uh a, Russia beel nuam tam zaw ahih manin Russia beel hi. Ahih hangin NATO, US leh nitumna lam gam ten Russia in Crimea zawhthawh thu tawh la-in, Ukraine gamvai ah kigolh hi ci'n ngawh pong uh hi. Hih thu hangin Russia leh NATO (North Atlantic Treaty Organisation) kikalah kitheihsiam lohna nakpi takin kibehlap hi.
NATO in Russia kihtak huai tekteh ahih manin ei zong i kisakkholh loh phamawh hi ci'n Cold War bei khit nung adingin a nasia pen dingin NATO in Europe nisuahna lamah galvan leh galkap tampi koih ding sawm hi. Russia in Europe hong sim ding hi cih NATO in ngaihsut den pong ahih manin tu lianin Baltics (Baltic i cih ciangin Baltic kiim a gam omte - Estonia, Latvia leh Lithuania genna hi) kiim-a huih lak cing dingin kidona vanleng lengsak kawikawi a, hih vanleng 8 bek ten Russiate dal zo lo ding hi ci'n NATO commanderte lunghimawh mahmah uh hi.
NATO in Europe gam-a NATO member ten Russia in Europe hong sim vat leh kithawikholsa-in om ni ci'n patau dak sat ta hi. Ahih hangin Russia in sim ding ngaihsut lo ahih manin hih NATO commanderte vaihawmna pen Russia hong sim nuam man uh hi zaw hi ci'n ngaihsun leuleu ahih manin kitelkhialhna lianpi kibehlap zawsop hi. The Daily Express in a genna ah NATO in Cold War bei khit nung Europe nisuahna lamah galkap a tam pen koih sawm a, Russia in hong sim vat khak leh ci'n hih kiim ah galkap tul tampi (battalion-sized deployments) koih sawm hi ci'n suaksak hi. Lithuania gamte' chief of defence Jonas Zukas in press conference a neihna ah, "Baltic ah galkap hong kikoih bek hun kisa nawn lo a, galdo dinga kimansa galkap honpi kikoih ding bek kideih ta hi," ci'n thum litlit ta hi. Air defence lam sang kibuai a, buaina om vat leh Baltics sung vanleng 4-8 khawng bekin cing zo lo ding hi ci'n gen beh hi. Lithuania bek hi loin Estonia leh Latvia in zong a gam uh cing dingin vanleng leh galkap a deih thu uh pulak uh hi. Hih Baltics gamte ah April 2014 panin US galkap 600 kikoih a, hihte muang zo lo uh cihna suak hi.
Russia in Baltic gamte hong sim sawm peuhmah lo hi ung ci'n hih ngawhna thal nial a, ahih hangin Russia in Crimea a lak bangin Baltic gamte zong hong la ding hi ci'n Baltic gamte na patau mahmah uh hi. A sawt loin Europe a NATOte' supreme allied commander za nusia ding Philip Breedlove in, Hih Baltic gam ten air defence mission lamsang kisam lo uh a, hih kiim ah huih lak dalna ding leh huih lak-a vanleng kilengsakte pen buaina dinga kibawl hi loin "peacetime mission” hi zaw hi ci'n gen hi. Gal om ding ngaihsutna, gal thu tawh kisai ngaihtuahna leh gal om ding kisakkholhna in gal piangsak lel a, tua pen NATO leh Russiate utna hilo a, hih bang ngaihsutna pen haihuai hi ci'n gen hi.
-Your News Wire
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.