Tuhin leitung nuntak hong haksa semsem, hong khan semsem ciangin nu leh pa pattahna bek tawh mihingte kibucing zo nawnlo in lawm leh gual tung kituang zo nawnlo hi. Tua ahih manin nu leh pa, innkuanpihte ban ah hong pattah ding siamna nei, theihna kicing, ngaihsutna sau nei, muhkholhna tawh a kalsuante tawh kizop a phamawh hun hong hita hi. Bang sem ding, bangci sep ding, bang lam ngaihsun ding cih nangawn mihing in a neu tung pan a khentat kei leh 'a hun a tun ciang' mi kinungdelh den keeita hi. Tua manin mihing khat in nekzonna, pilsinna, nasep sinna, nasepna, mi tawh kizopna ah a gualzawhna dingin amah a pattah ding mihing nam nga bang kisam pelmawh hi.
Tua mi nam 5te in ngaihsutna thak pia ding, ngaihsutna luite kheksak ding, lamthak ah makaih ding, mi tawh kimeltheihsak ding ban ah a kisam banga kisinna zong neisak ding hi. Mihing khatguak kuamah a bucing cih omlo ahih manin mi tampi tawh kizom kithei a semkhawm ban ah kipattah tuah siam kisin hun hita hi. Innkuan khat nangawn in i septheih a tuamtek hi - Pa in innkuan sung vaihawm, Nu in innkuan sung nek leh dawn zeek, tate in innkuan sungah nu leh pa dinpih, tawsawn.
Hong pattah ding mihing nam 5te:
1. Mi Tawh Hong Kizomsak Mi: Milian milal tawh hong kimeltheihsak, hong kizomsak ding mi kisam hi. Khua leh tui sung ban ah minam sungah mite theih, mite zahtak leh thuneihna zong a nei, mi zong a nei ulian tawh kithei lecin aman midang tawh hong kimeltheihsak dinga, midang tawh hong kimusak kawikawi ding hi. Ulian leh mi minthang tampi tawh kithei lecin na nuntakna kahlei hong noptuam ding hi.
2. Siamna Madawk Nei Mi: Nang nasepna lam tawh kisai ah siamna madawk a nei mite tawh na kitheih kisam hi. Engineer na hih leh Engineer a siam a minthang mite theih leh mite zahtak, zong a siam takpi tawh na kitheih leh na hampha ding hi. Aman hong pattah thei ding a, midang tawh zong hong kizomsak thei ding hi.
3. Hong Huai Ding Mi: Na nekzonna lam tawh kisai ah ulian 'amah ka thei hi' ci a hong huai thei ding mi na neih kisam hi. Hong lamsang ding mi cihna hi. Nang tungah thunei ulian khat na siamna ciang zong hong tel sitset hong it mi khat nei lecin na za khanna ding kinawh in manlang tuam mahmah ding hi.
4. Hong Holimpih Nuam Mi: Na haksatna, na lungkhamna, na lungdamna leh na tuah thute na genna ding, na lungkiatna nangawn na gen na tut theihna ding mi muanhuai na neih kisam hi. Na hehna na gimna suakta taka na pulak khiat theih leh na van zang pahpah ding hi. Tua bang thute hong kuppih thei, hong genpih thei, a bil hong dawh nuam mi neih kisam hi.
5. Hong Tai Ngam Ding Mi: Mi khempeuh in a kingai ngaungau lo den mi khat om a, tua pen hong taihilh, hong thuhilhte ahi hi. I hoihlohna hong pulak a hong tai ngamte hi. A hoihzaw ding deihna tawh hong taingam mi a khangto ding peuhmah in i kisam hi. A hoihte 'hoih hi' ci-a hong thukimpih ding, a hoihlote 'hoihlo hi' ci a hong tai ngam, hong thuhilh ngam ding mi kisam hi. Tua bang a nei mi a picing hi a, mi picing sem a suahna dingin neihloh a phamawh, a kisam ahi hi. Tua bang mite in a taktak in i guh i tang i lungsim khauhsak a, tua thakhauhna hangin nasep lianpipi sepzawhna kinei hi.
Zomi khangno khempeuh a tunga mi nam 5te a nei ciat dingin Topa in thupha hong piata hen.
Hau Za Cin
Phuitong Liim
Jesus was angry enough to purge the temple, hungry enough to eat raw grain, distraught enough to weep in public, fun loving enough to be called a drunkard, winsome enough to attract kids, weary enough to sleep in a storm-bounced boat, poor enough to sleep on dirt and borrow a coin for a sermon illustration, radical enough to get kicked out of town, responsible enough to care for his mother, tempted enough to know the smell of Satan, and fearful enough to sweat blood.
He is able to run to the cry of those who are being tempted and tested and tried.
Hebrews 2:18 (AMP)
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.