IS GALKAP TEN A GALDO NUAM LOH MANUN SICK NOTES LA
April 26, 2016: Islamic State (IS) galkap ten gal a do nuam loh manin Siavuante tung panin dam lo hi cih lahna ding lai (sick notes) la uh hi US military think-tank Centre for Combating Terrorism (CTC) in report a piakna ah gen hi. IS ten gam lianpi khahsuah in, vaihawmna kician a om loh man leh leh sum leh paai a kitangsap manun pawlkhat galdo ding lawp zo nawn loin a taikhia zong October 2015 panin tam mahmah ta hi nung kumin ISte document kimuhna panin kitheikhia hi ci’n Centre for Combating Terrorism (CTC) in report ah gen beh hi.
Syria nisuahna lam-a om Deir ez-Zor province ah IS galkap ten galdona madawkna munte ah duty dingin a pang nuam loh manun Siavuante tung panin dam lo hi cih lahna ding phuahtawm lai la uh hi Daily Mirror in zong suaksak hi. Syria gamgi panin Turkey ah suakta takin lut thei nawn lo uh a, gamgi tuamtuamte a kilimcin’ luat man leh gam tuamtuamte kipawlkhawm ten a kapna hangin ISte a thanem tuam ban uh-ah a kha lawh uh gina in ngah nawn lo uh ahih manin galdo ding a lawp zo nawn lo tammah a, tua banah ah IS makai liante kikalah kituah lohna lianpi piangsak hi ci’n Daily Mirror in gen beh hi.
Gam tuamtuam kipawlkhawm ten ISte sum koihna munte leh datsi/namgimtui bawlna (oil industry) a kapsakna hangun IS ten a galkapte uh kha lawh a piak zel pen uh tu kum a kipan a kim khat bek pia uh ahih manin IS galkap tampi tak lungkim loin tawp uh a, pawlkhat taikhia uh hi ci’n Daily Mirror in gen hi. IS galkapte a kha lawh dingun kha simin UK pounds 100 bek kipia ta hi ci’n ISte Treasury Minister Bayt al-Mal document panin kimu hi.
Photo: Islamic State group leader Abu Bakr al-Baghdadi
-The Hindu
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.