A theih huai PYU MINAM te thu tawm.....

Kawlgam sung Minam lian khat a hi ngei PYU (ပ်ူိ)te thu tawm i gen nuam hi.Kawlgam tangthu bu sungah zong i sim kha ngei ciat ding ka um hi.Amaute pen Kawlgam sung a lut masa pawl hi in Kawlgam laizang tengah gamkhat Kumpi khat in na om ngei uhhi.


        PYU minamte in Munlehgam,Ngeina kician leh Lai zong nei uhhi. Dangka, music leh Biakna zong kiciantak in nei uhhi.

       AD 1113 kum a kigelh mai 4 nei ကူ​​​ေျပာက္​ႀကီး ​ေခၚ ဲျမ ​​ေစတီ ​ေက်ာက္​စာ tungah Manglai, Kawllai, Pali leh PYU lai tawh na kigelh ngiat hi.Tua hunlai in PYu te pen minam lian minam kician mahmah Kumpi gamkhat hi cih,a kiphawksak nuam i hihi.

       Utenaute tu ni in tua PYU minamte koi teng ah om ta uh ahihiam? Koi tengah teeng ta uh hiam? Aih kei leh beimang khin ta uh ahihiam? Kawlgam sungah PYU ten bangtuak a kidawk nawnlo mawk uh ahihiam? Tuni in tua PYU minamte thu a zak in kiza nawnlo dildel mawk hiam?Ngaihsut huai mahmah thukhat ahihi.

           Mandalay ka sangkahlai in PYU lawm hoih mahmah khat ka nei ngei hi.Amaute pulpi zavat tuak a si khin beimang hipeuhmahlo uhhi.


Kawlgam sungah mipil misiam mihau in na om kawikawi uhhi.Ahihangin amaute in a PYU lai uh thei nawnlo uh, gelh thei nawnlo, sim thei nawnlo, pau thei nawnlo uhhi.Kawlzi,Kawl pasal nei uh a, amaulehamau zong Kawlpau tawh kiho ta uhhi.Banghang hiam cih leh a LAI uh zang nawnlo uh ahihmanin khangsawn ten thei nawnlo uh hi.Lai nei nawnlo uh,pau thei nawnlo uh ahihmanin tuni in Kawlgam sungah hunkhat lai alian mahmah PYU minamte om nawnlo ta hi.PYU te om napin PYU minam om nawnlo hi.Kimu nawnlo hi.A bei cihtheih hita hi.


Tua ahihmanin Sanggam,
      (1)Zo pau in na pau thei lai hiam?
      (2) Zolai na sim thei lai hiam?
      (3) Zolai na gelh thei lai hiam?
  Nulehpa Ulehnau,
       (1) Ih innsungah bang pau tawh i tate i pahtah kha hiam?
       (2) Na innsungah Zo pau na zanginla,na tate  zong Zopau mah tawh na kihosak in.
       (3) Kawlpau, Mangpaute pen sangpan ahi zongin innpua lam pan hongin hong siam veve ding uh a,nangh nangawn hong hilhkik nuam zawlai  ding uhhi.


A THUPI PEN AH:
                 Tulaitak Zogam,Zomi Makaipite in Zogam sung pilsinna sangte ah Zolai Subject khat a nasiatak a, sinsak ding hong kivaihawm khia le-uh ki lungdam  mahmah dinghi.

.* Mimal kisukna omlo hi.Nangh aa tawh a kituah kei leh ngaihdam bawmah..hi nasak leh na SHARE ve ..


tdkhentungdim.