Gualzawhna thupha le a lungkia baihte om khawmthei lo.

tuNidang lai-in va-ak khat in a dawn ding tui zongin a zon kawikawi hangin tui a kici a mu zo kei hi. Khua-khal hun ahi manin luituite kangkhinta a tuiluang om nawn loin lei keulua-in khangtham mangta ahi manin, a dawnding tui a mu zo kei hi.  Tua banga a len kawm-in a nuai lam a et suk leh beltung khat a om a mu hi. Ama  ngaihsutna ah tua bel sungah tui om kha ding hi cih ngaihsun ahi manin beltung omna zuanpah ving veng hi. Beltung kiang a tun tak ciangin bel sung a et leh a upmawh bang lian mahin beltung sungah tui na om takpi mawk hi. Va-ak zong lungdam lua mahmah ahi manin tua belngong tungah lengto pah a, tuidawn dingin bel sungah a muk a phutsuk leh bel sungah tui dim lo ahi manin tui a duh mahmah hangin a muk in tui a bansuk zo kei hi.

Beltung sungah tui om ahi lam thei ahi manin ngaihsut khat hong nei a, beltung sawntuk zo leng a sunga tuite ka dawn thei ding hi, ci-in ngaihsun hi. Beltung sawntuk ding a hanciam hangin beltung a sawntuk zawh nading vaak in tha a nei kei hi. Tua manin ngaihsut khat hong nei leuleu a , a kianga om suangtang note a muk tawh tangkhatta-in tuah a, beltung sungah khia suk hi. Beltung sungah suangtangno a tamna tawh kizui-in bel sunga tui zong hong khangtoto ahi manin a tawpna ah tui-in belngong ciang hong banto ahi manin yua  vaak in tui a khamtak-in dawn a, " A tungin tui ka bat loh lai-in lunhkia-in ka lenmang pah loh lungdam sam ing ei, ci-in tui a dawn kawmin gen hi. (  Aeosop's tangthu )

Hih pen tangthu ahi hangin  Aeosop tangthu i cih pen i theihsa mah bangin a mintang mahmah hi a, gam uk kumpite na leng in zong thu gentehna in a zang uh ahi hi.

A nungta Pasian a bia zomite in Pasian muang mahmah napi hanga, a bawlsa ngaihsutna khuakte in na a sem thei ding a ngaihsun lo pawlkhat om uh hi. ( Ngaihsutna bek zang ding cihna hi lo hi. ) Pasian pen a thumaan Pasian hi a, deidan a nei lo Pasian ahi manin, sep le bawlna khatpeuh ah a mah a umte le a um lo mite deidan-in kilamdangsak lo hi. Pasian ka um hi ci napin ba g mah sem loin bang mah tha a san nop kei a leh Pasian in thupha pia thei lo hi. A hanciam khempeuh tungah hanciamna tha man a koihsak Pasian hi a, Pasian simmawh loin a hanviamte tungah gualzawhna le matutna a pia Pasian ahi hi.

A gualzo lo dingte in lungkiatna bekbek mu uh a, a gualzosate in tua lungkiatnate bangci kikantan a, bangci kinawk hiam , cihte thupisak-in gen uh hi. ( A gualzo le a gualzo lote a kitheihna tua ahi hi. Haksatna le lungkiatna thu a gengente a guallel te hi pah uh a, tua haksatna te bangci nawk ding cih a theite a gualzo ahi uh hi.

Lungdam

Job, Cinpi
Zomi Laisim Nuamte