Literature Manphatna

LITERATURE MANPHATNA

Literature : Lai kigelhte, Laibu sung a kigelh thu tampi te, Laigelh tampi te

Thu leh La khat peuhpeuh pen a gelhte in lungsim tampi tak zangin a ngaihsut khit uh ciangin gel leh a gelh uh hi a, tua thu leh La te sungah thu manpha tampi om a, a sim peuhpeuh in pilna leh theihna khat teitei ngah uhhi.

Lai tampi a simte pen mipil in kibawl zo a, mihoih mahmah suak zo hi. Mi kiphasak te in zong kiniankhiatna nei uh a, lungsim bei te in zong lametna nei uhhi. Tangval khat tuisungah tuaklum dingin a pai leh tui gei ah laidal kia khat om a, tawm in a sim leh "nakpi takin kingaihsun in"(Think it over) cih teng bek kigelh hi. A khuadak leh kuamah mu lo a, ka lai sim aw, hih tui ah tuaklum takpi leng kei a dingin a hoihpen mah tam, ciah kik ning in khatvei nakpi in kingaihsun kik phot ning, ci -in ciah kik a, a sihna ding pan in suakta hi.

ZOMI te pawlkhat in sangkah mel loh tawh, laitan sangpipi a sinlah hikhangin ei khawng a dingin pil cih om ngei nawnlo dinghi, ih ki ci a, sangkah thupilo cihna hi lo in lai tampi sim thupi zaw hi, cih phawkni.

US President Abraham Lincoln zong kum khat bek sangkah a, ahihangin a muhkhak, a muhban a om laibu khempeuh sim khin/gai siksek a, Bible pen nikhat in naikhat sung sim den a, laitan a sanloh hangin leitung mipil te lakah kisim hi. Japan, South Korea leh England te pen gamlian hi het lo uh hina pi in laigelh thei te in gelhin laibu bawl ziahziah uh a, khangno te khempeuh in lai tampi sim kidem uhhi. Sanginn sang in a pua ah lai tuamtuam kisim thei zaw lai hi. Mipil gam, mihau gam ih cih te in amau lai in laibu hau mahmah uh a, laibu tuamtuam nak sim mahmah uhhi. Tua laibu te khempeuh Zolai in kitei khin henla hih leh Zomi te laisim kithanuam tuam dinghi.

Gam khangto a om biakna makai te, gam leh minam makaite leh sumbawl lam a lawhcing mi khempeuh in a pilna leh a siamna khempeuh uh sit lo in laibu in gelh in mipi sim dingin koih uhhi. Mi thupi tampi tak pen a laibu simna uh panin a kipan tam mahmah hi. ( Francois Fendon,  Benjamin Franklin, Augustine, Marin Luthera).

Mi minthang te thugen tawm en dihni;

1) Laibu sim ngeilo Pasian nasem khat, a nasepna pan tawp zaw hen. - John Wesley.

2) Pasian thu um laibu simsim te khangto a, laibu a simnawn kei leh a khankhin hi ta hi. - John Wesley.

3) Laitan sanglo leh lai siamlo te a dingin thupil bu simsim pen hoih mahmah hi. -Sir winston churchill.

4) Laibu omlohna inndei sung pen Kha tawh a om nawnlo pumpi tawh kibang hi.- Sir John lobbock

5) Laibu pen lawm muanhuai pen leh a gamdai pen hi a, ngaihsutna hong pia te lakpan a pil pen leh kithuhilhna ah a lungduaipen ahihi.- Charles William.

6) Kumpi neihloh sang Laibu neihloh lauhuai zaw hi. -Thomas Jefferson,

7) Kidalna dingin namsau sang in laibu hoihzaw hi. -Napoleon.

8) Sum tawm bek ka nei a, laibu leiphot ning in a val teng tawh an leh van leipan ning. Erasmus.

9) Na taklam khut in Bible tawi inla, na veilam khut in laibu tawi in. Billy Graham.

Lai hoih te tampi sim in, lai sim ding lai hoih, thu hoih zong in.

Definition of literature
1 archaic :  literary culture

2 :  the production of literary work especially as an occupation Literature is his profession.

3 a (1) :  writings in prose or verse; especially :  writings having excellence of form or expression and expressing ideas of permanent or universal interest
literature stands related to man as science stands to nature — J. H. Newman

(2) :  an example of such writings
what came out, though rarely literature, was always a roaring good story — People

b :  the body of written works produced in a particular language, country, or age French literature Renaissance literature

c :  the body of writings on a particular subject scientific literature

d :  printed matter (such as leaflets or circulars) campaign literature

4 :  the aggregate of a usually specified type of musical compositions the Brahms piano literature

Nk Nang