HONG NUSIA REV. Dr. G. K NANG PHAWKNA
Sia G. K Nang pen kum 1945 kiimin Murlen, Mizoram-ah piang/suak hi. Mizoram-ah tan 6 ciang simin, tan 10 pen Lamka, Manipur panin zo hi. Tan 10 a zawh ciangin hunbit a Pasian nasem dingin ki-ap a, kum 1971 in Lamka, Manipur a Chin Baptist Association (CBA) in Lai Siangtho sin dingin sawl hi. B. Th pen Jorhat a om Eastern Theological College (ETC) panin 1975 in zo a, Bachelor of Divinity (B. D) pen Bangalore a United Theological College (UTC) panin kum 1983 in zo hi.
Switzerland gama International Baptist Theological Seminary kici, Zurich panin kum 1990 in M. Th. zo kik leuleu a, a thesis pen “Evidences of Growth Among the Zomi Baptist Churches in Indo-Burma” cih ahi hi. Tua banah, kum 2010 in USA a Fuller Theological Seminary, School of Intercultural Studies panin Ph. D zo kik a, a dissertation pen, “Zomi Christianity and Cultural Transformation” cih ahi hi. Hih a dissertation pen Germany a om Lambert Academic Publishing-te in laibu in khetkhiatsak uh a, Amazon leh Flipcart tungtawnin online pan zong kilei thei hi.
Sia Nang pen hunbit a Pasian nasem ding-a a kipiak pan Lai Siangtho sang kah leh pawlpi sungah nasep thuah zel a, pahtakhuai mahmah hi. A pilna pen a hun tawh kizuiin khanto zel a, mi kisin nuam, mi kuhkal leh mi hanciam mahmah khat ahi cih kilang hi. Kum 30 val Topa Lenggahhuan-ah a sep khit, Zomi Baptist Church (ZBC) pan a sepna a pensen khit ciangin USA a Fuller Theological College ah Ph. D sin dingin kuan kik a, kum 5 sung vingveng a sin khit ciang kum 65 kiim hi-in kum 2010 in lawhcinna thupi tak tawh India gamah hong kikin, India gam sung a Andra Pradesh state-ah missionary na sem a, 2014 in tawlnga hi.
Gensa mah bangin, Sia Nang in tan 10 a zawh khit, hunbit a Pasian nasem ding a kipiak ciangin CBA pawlpi in Lai Siangtho sin dingin sawl a, pawlpi sungah hunbit na sem suak pah hi. CBA leh ZBC sungah kum 30 val pastor, departmental secretary leh Executive Secretary a sep sungin pawlpi bangzah hiam phutin, puah a, lailam nasepna-ah zong nakpi takin hanciamin kiva mahmah hi. Lai Siangtho, Labu leh Thusinbu (naupang leh picing) bawlna-ah nakpi takin semin, laibu tampi mah bawl a, lai lam khantohna dingin nakpi takin hanciam hi.
Pahtawina tampi laka, leitungbup Zomite thukizakna ahi, Zomi International Network (ZONET) kici sunga thugelh mite pahtawina thupipen, Writer of the Year 2009 zong kihel a, a laibu bawl “Ka Khualzinna Gamte” kici bang zong mi tampi lamlak laibu hoih khat ahi hi. Hih laibu a zom, "Ka Khualzinna Gamte – 2” kici zong suakkhiat sawm laitak hi. Thului tampi mah gelh a, magazine leh journal tuamtuam-ah kisuaksak hi.
Kum 1978 in Lia Ning Khan Ciiin, Tangnuam, Lamka tawh pumkhat suak a, ta 3 nei hi. Ahi zongin kamsiatna tawh sianu in kum 1994 in nusia a, kum 1995 ciangin Lia Cing Za Man, New Lamka tawh kiteng leuleu-in ta numei 2 nei uh hi. Ph. D a zawh khit, Mori, Andra Pradesh a missionary a sepna pan a tawlngak (2014) khit ciangin Shillong khuapi-ah ciah toin, tua munah a innkuan un teeng uh hi.
Ka muh masaknapen cih ding gen ding ka theihloh hang, Champhai a sangkah a ka omlai, ZBC a Executive Secretary a sep laitak hi a, hong it leh a inn uh zong ka lut tam mahmahna khat leh, ZBC sungah hunbit nasem a ka lut ciang zong, kha lam hiin, lai lam tawh kisai a nakpi taka kizoppih khat, Pa neih a ka neih khat ahi hi. A dissertation, "Zomi Christianity and Cultural Transformation" zong Zopau tawh lehkhiat a laibu a suahkhiat hoih ka sak thu ka gen zong hong thukim pih mahmah hi.
Shillong a tuntoh kik zawh uh, 2016 kum cil/bul lama a ki-at khit ciang khatvei ka kihopih kik uh a, nidang bang zo nawn lo hi cih ka theisiam hi. Hong nusiatna tawh kisai-in, nungkal zato inn ah lut uh a, zatui tuamtuam tawh a kikep hangin hoih thei tuan loin, tuzing (28.7.2017) zinglam nai 1:30 pawl-in Shillong khuapi, India panin a na a sepsak Pa Pasian kiang hong zuatsan hi.
India gam Zomite laka Pasian nasem muanhuai, Zomite Aksipite laka khat hong nusiatna hangin i dah mahmah hi.
T. Sawm Lian, ACA, India
Sia G. K Nang pen kum 1945 kiimin Murlen, Mizoram-ah piang/suak hi. Mizoram-ah tan 6 ciang simin, tan 10 pen Lamka, Manipur panin zo hi. Tan 10 a zawh ciangin hunbit a Pasian nasem dingin ki-ap a, kum 1971 in Lamka, Manipur a Chin Baptist Association (CBA) in Lai Siangtho sin dingin sawl hi. B. Th pen Jorhat a om Eastern Theological College (ETC) panin 1975 in zo a, Bachelor of Divinity (B. D) pen Bangalore a United Theological College (UTC) panin kum 1983 in zo hi.
Switzerland gama International Baptist Theological Seminary kici, Zurich panin kum 1990 in M. Th. zo kik leuleu a, a thesis pen “Evidences of Growth Among the Zomi Baptist Churches in Indo-Burma” cih ahi hi. Tua banah, kum 2010 in USA a Fuller Theological Seminary, School of Intercultural Studies panin Ph. D zo kik a, a dissertation pen, “Zomi Christianity and Cultural Transformation” cih ahi hi. Hih a dissertation pen Germany a om Lambert Academic Publishing-te in laibu in khetkhiatsak uh a, Amazon leh Flipcart tungtawnin online pan zong kilei thei hi.
Sia Nang pen hunbit a Pasian nasem ding-a a kipiak pan Lai Siangtho sang kah leh pawlpi sungah nasep thuah zel a, pahtakhuai mahmah hi. A pilna pen a hun tawh kizuiin khanto zel a, mi kisin nuam, mi kuhkal leh mi hanciam mahmah khat ahi cih kilang hi. Kum 30 val Topa Lenggahhuan-ah a sep khit, Zomi Baptist Church (ZBC) pan a sepna a pensen khit ciangin USA a Fuller Theological College ah Ph. D sin dingin kuan kik a, kum 5 sung vingveng a sin khit ciang kum 65 kiim hi-in kum 2010 in lawhcinna thupi tak tawh India gamah hong kikin, India gam sung a Andra Pradesh state-ah missionary na sem a, 2014 in tawlnga hi.
Gensa mah bangin, Sia Nang in tan 10 a zawh khit, hunbit a Pasian nasem ding a kipiak ciangin CBA pawlpi in Lai Siangtho sin dingin sawl a, pawlpi sungah hunbit na sem suak pah hi. CBA leh ZBC sungah kum 30 val pastor, departmental secretary leh Executive Secretary a sep sungin pawlpi bangzah hiam phutin, puah a, lailam nasepna-ah zong nakpi takin hanciamin kiva mahmah hi. Lai Siangtho, Labu leh Thusinbu (naupang leh picing) bawlna-ah nakpi takin semin, laibu tampi mah bawl a, lai lam khantohna dingin nakpi takin hanciam hi.
Pahtawina tampi laka, leitungbup Zomite thukizakna ahi, Zomi International Network (ZONET) kici sunga thugelh mite pahtawina thupipen, Writer of the Year 2009 zong kihel a, a laibu bawl “Ka Khualzinna Gamte” kici bang zong mi tampi lamlak laibu hoih khat ahi hi. Hih laibu a zom, "Ka Khualzinna Gamte – 2” kici zong suakkhiat sawm laitak hi. Thului tampi mah gelh a, magazine leh journal tuamtuam-ah kisuaksak hi.
Kum 1978 in Lia Ning Khan Ciiin, Tangnuam, Lamka tawh pumkhat suak a, ta 3 nei hi. Ahi zongin kamsiatna tawh sianu in kum 1994 in nusia a, kum 1995 ciangin Lia Cing Za Man, New Lamka tawh kiteng leuleu-in ta numei 2 nei uh hi. Ph. D a zawh khit, Mori, Andra Pradesh a missionary a sepna pan a tawlngak (2014) khit ciangin Shillong khuapi-ah ciah toin, tua munah a innkuan un teeng uh hi.
Ka muh masaknapen cih ding gen ding ka theihloh hang, Champhai a sangkah a ka omlai, ZBC a Executive Secretary a sep laitak hi a, hong it leh a inn uh zong ka lut tam mahmahna khat leh, ZBC sungah hunbit nasem a ka lut ciang zong, kha lam hiin, lai lam tawh kisai a nakpi taka kizoppih khat, Pa neih a ka neih khat ahi hi. A dissertation, "Zomi Christianity and Cultural Transformation" zong Zopau tawh lehkhiat a laibu a suahkhiat hoih ka sak thu ka gen zong hong thukim pih mahmah hi.
Shillong a tuntoh kik zawh uh, 2016 kum cil/bul lama a ki-at khit ciang khatvei ka kihopih kik uh a, nidang bang zo nawn lo hi cih ka theisiam hi. Hong nusiatna tawh kisai-in, nungkal zato inn ah lut uh a, zatui tuamtuam tawh a kikep hangin hoih thei tuan loin, tuzing (28.7.2017) zinglam nai 1:30 pawl-in Shillong khuapi, India panin a na a sepsak Pa Pasian kiang hong zuatsan hi.
India gam Zomite laka Pasian nasem muanhuai, Zomite Aksipite laka khat hong nusiatna hangin i dah mahmah hi.
T. Sawm Lian, ACA, India
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.