Kawlgam bup Mualmi Khangno Khawmpi (Ethnic Youth Conference) pen abeisa July 27-August 1, 2016 sung Shan State, Pinlong khuapi ah thupitak kibawl in, akihel mualminam 25 sung pan tangmi vekpi 500 val le Observer 50 tawh kigawm mi vekpi 600 val kipha cih thu Zomi min tawh akihelthei mi 3 sung pan Tg. Shia Shian (Reporter of Tongsan Media Group) & (Editor of Zolengthe) tung pan kiza hi.
Khawmpi sungah SNLD Vice President in thugenna / hunhonna nei in, khawmpi makaite in khawmpi tawh kisai mipite' theih huai thute pulakn nei hi. Tua khitteh Mualminam 22 pan minam zui melkilahna le minam mkaite in thupulakna kinei hi. Tua banah minam zui in ngeina laam ciat kilak in etlawm thei mahmah hi. Khawmpi sungah minam makai suan le muante' sung pan akihelthei teng; SNLD Vice President, Khun Okkar, U Thein Oo, Dr. Aye Maung, Daw Khin Ma Ma Myo, Saya Min Zin, Sianu Khun Ja te'n thusunna (Pannel Discussion) neihpih uh hi. Khawmpi hun sungah thulu tuamtuam tawh anuai abang in thusinna/ kamkupkhopna, dotnale dawnna cihte kinei hi.
(1) 21st Century Panglong Khawmpi vai, CSOs leh Peace Process ” (2) Gam Kilam zia (3) Daihna Kilamzia
(4) Feredal Union vai
Tua banah Khawmpi sim nam makaipite le khangno khempeuh in Mualmite kipumkhat semsem nading le Kawlgam mai lam kalsuan zia ding kamkupna nasiatak nei uh ci hi. Tua banah Pinlong Thukimna Mualsuangpi tawh etlawm takin Group photo lakna nei khawm in kilawmtatna nei uh hi. Zomi min tawh akihelthei Tonzang pan sanggamte nih le Tedim pan Shia Shian te lawmta thum in zong Zomi makaipi Pu Thawng Za Khup phawkna Pinlong Kiciamna Mualsuangpi tawh photo kilakhawm uh a Zomi hihna kipaak/ angtang mahmah uh hi.
Reported by: Shia Shian (Reporter of Tongsan Media Group)
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.
EmoticonClick to see the code!
To insert emoticon you must added at least one space before the code.