Bang khaici tuh ihi hiam?

Vaimim tang tuh le'ng cikmah hunin be kung hong po ngeilo dinga, betang tuh le'ng zong, cikmah hunin vaimim kung hong po ngeilo ding hi. Vaimim tang i tuh leh vaimim kung mah hong pokhia dinga, be tang i tuh leh be kung mah hong po khia ding hi. 

I tuh khaici mah hong po khia ding ahih manin, tua i tuh khaici ii a gah i atkik ding pen lawphuai takpi mah i sa hiam? A gah i at ngam loh ding, khaici peuh i tuhtuh kha hiam, khatvei ei-le-ei kisit tel kik ni. 

I theihsa hi. Mite bel kikhem thei lel a, Pasian bel kikhem thei hetlo hi. I hihna bangbang thu hong khen ding pen, a kikhem thei mihingte hi lo a, a kikhem theilo Pasian ahi hi. 

Khris sungah, David Tuang