Kei ngaihsut banciang ong sung hileng: Kawlgam kiphuh(phut) cil 1948 in state 5 ahihi. 1973ciang state 7 (Mon & Rakhine) kibehlap hi. 2008 ciang tuateng mah kip lai in division teng regional in kilaihhi. Kawlgam ah state 7 le...h division7 bek omden ding cihna omlo kong lahnopna ahihi.
Pau kibanglo; ngeina kibanglo minamte ukna khat nuai ah a kikoih ciang kihazatna; ki enna; kisiatna piang hamtang hi. Tua ahihman in pau kibanglo; ngeina kibanglo teng state; ki ukna tuam piak huailel kasa hi. Sagaing Region sung aa Nagate state khat Taishante State khat Shan state sung aa kigawm Wa; Palaung; Danuh; Lisu; Pa oo; ...cihte state tuam piak huai lelhi. Tua mah bang in Chin State sung aa kamphen kul minam tuam Zomi; Laimi; Cho; Khumi cihte zong gam nei; mimal a cinnak leh state tuam piak huai lel kasa hi. Kilemna khantohna omzaw dinghi. Tua ahihman in tutak Zomi kalsuanna ah; NLD makai in Kawlgam Thukhunpi ong laih uhleh STATE khat phutkhiat zawh ding hanciam huai kasahi. Sik a sat laitak sat ding hi aa khua a phat laitak buhtu pho ding ahihi.
Tutung in state khat i dinzawh kei leh i Zomi movement cihcih a khiatna omlo ong suak dinghi. Hih kalsuanna pen party khat bek kipawlna khat bek sepding hilo aa minam bup lungkituak aa kalsuankhop ding thupi dinghi. Party vai hilo minam vai ahihi.
State i ngah kei leh; Option tuamtuam zong neih kullai dinghi.
Tuate genkhin nai dahni. Tu'n athupi pen ah: Kua in hih kalsuanna i minam sung ah ong makaih ding cih ahihi. Gtn. in ZCD in ong makaih phial leh ZCD makaiteng bek tawh taangsuak zolo ding hihang. Minam bup a sim a zo a mal suah leh tum; sak leh khang kideidan hetlo aa kalsuan ong kuldinghi. I maban; innma lo ma ciat nusia phot aa hanciam ong kuldinghi.
Gamsung gampua kalsuankhop ong kul dinghi. Hih hunhoih i khahsuah leh tuzawh kum100 aa sim cihbek zong hilo Zomi cih abei ding hitahi. Apiang theilo dinglam in ngaihsun masalo in a pian nading diangkhia ciat dihni. Pasian in Zomi kalsuanna maa ong honsak kasahi.
Note tawh
Hang Khan Lian
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.