- 1980 pawl in Sen gam panin Japan te'n siik tampi man tawmno in leisak uh a, tua siikte Steel suaksak in Sen gam mahah tampi meet in zuak kik uh hi. Sente heh mahmah taleh Steel bawl thei lo uh ahihman in heh theih om lo hi.
- Korea te'n amau gamah namgimtui a pian zenzen loh hangin Oil Bank nei uh hi. Gamdang panin Crude Oil lei uh a..., amau gamah huan lel uh hi. Namgimtui tawh kisai buai vet lo lel uh hi.
- Nidangin tembaw zui Zomi te'n gamdang panin Mawtaw golpipi lei in ciahpih uh a, lamkaal ah tampi bei thuah uh hi. Kawlte in Phim peuh ciahpih lel uh a, lamkaal ah bangmah bei thuah lo in sum tampi ngah zaw uh hi.
- Israel gamah Diamond piang het lo napi Diamond taat siampen leh Diamond tawh a hau pen Jews minamte hi citciat uh hi. Africa gam in Diamond a suak thei suang tampi zuak khia napi, Diamond taktak tawh a hau pen Africa hi lo in gamdangte na hizaw hi.
- Zogam gullu zong manpha mahmah sam naven, tuate to in zuak ding cih ciang bek pen kiallap sum zon pakna bekin hoih hi. Tua sangin a sunga piang Nickel leh Chromium tawh na hoih a bawl thei ding Zomi sungah mipil tampi neih ding thupizaw thamtham hi.
- Tulaitak Gullu kito leh Zomi te'n gim leh tawl bek ih ngah kha dinga, a hauh lawh taktak pen mipil misiamte na hizaw ding uh hi!
- Zomi te'n Gullu Mual iplah zaw ding maw, Pilna Mual lunggulh zaw ding hiam?
(" Zomi ta' ding koi iplahhuai zaw? Gullu Mual : Kito khin maw?" cih thulu tawh Cope Suan Pau' laigelhna sung panin kong hopsawn hi!)
Francis Lamthang (Zomi Quavadis)
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.