SYRIA AH BINNISH KHUA TUNG LAM PANIN KIKAP, MI 14 SI
May 11, 2016: Idlib province sunga om Binnish khua zan in tung lam panin kikap a, mi 14 in sihna tuak hi. Idlib province panin km 50 a gamla Aleppo province khuapi Aleppo ah zong Syria galkapte leh rebelste kikaptuah uh hi ci-n London pansan monitoring group, the Syrian Observatory for Human Rights (SOHR) in gen hi. Nung Pizing (Monday) in Aleppo leh Syria province tuamtuamte ah kikaptuahna tawl khat sung khawlna ding ci-in Syria kumpi leh rebels ten “Regime of Silence” kici thukimna suai a kaih uh a, tua pen Aleppo sungah Tuesday 00:01 am (21:01 GMT Monday) panin ni nih sung ding hi [Tuesday 01:00 am (local time) panin Wednesday zan kim dong] hi napi kikaptuahna piang veve hi.
Hih “Regime of Silence” kici pen US leh Russia vaihawmna tawh Feb. 27 in kipan a, tua khit nung kikaptuahna dai deuh hi. US leh Russia in hih kikaptuah nawn lohna ding thukimna pen Syria gambup huam suaksak ding deih uh hi.
Zan in Syria galkapte vanleng ahih kei leh Russiate vanleng dinga upmawh in bomb a khiatna hangin local rebel commander khat a sih banah mi tampi in liamna tuak hi ci-in SOHR in gen hi. Idlib province pen Turkey gamgi a om hi a, hih province pen Syria rebel groups, al-Qaeda tawh kipawl al-Nusra Front leh Ahrar al-Sham gamnuaimite ukna ahi hi. US leh Russia in kikaptuahna mun pawlkhatah a om tei hangin hatsakna tampi om ta se leh kikaptuah loh ding thukimna lawhcing khat suak veve hi ci-in gen uh hi.
Nung Nipini in zong Syrian rebels ten Syria kumpi ukna mun Aleppo khuapi sung rocket tawh kap uh a, nautang nga si a, a site lakah naupang nih kihel hi ci-in SOHR in gen hi.
Source: Al Jazeera and agencies
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.