RUSSIA IN NATO TEN POLAND LEH BALTIC GAMTE AH GALKAP A KOIH BEH LEH KITHUK KIK DING HI CI'N CIAM
May 5, 2016: NATO ten Poland leh Baltic states (Lithuania, Latvia leh Estonia) gamte ah galkap battalions (honpi) koih beh ding vai a gen pen kigal et giaugiau a, a koih beh leh Russia in a thukkikna dingin nitumna lam leh leilu lamah galkap kikoih ding hi ci-in Russian Foreign Ministry department head Andrei Kelin in gen hi. Nung diakin US in Russiate panmun etsimna dingin vanleng (reconnaissance planes) va lengsak uh a, Russia ten tua USte vanleng na khawlsak (intercept) in, na nung delh khiatsak uh hi. Tua loin US ten Baltic Tuipi ah kidona teembaw a taisak lai takun Russia ten a gal vanleng uh tawh tua teembaw na leh hawlkhiatsak leuleu uh hi.
US Defense Secretary Ashton Carter in Pizing (Monday) in Baltic kiim-ah buaina a om hangin NATO galkap tul li kiim kikoih beh ding hi ci-in na gen hi. Soviet Union gam tuamtuamin a kikhen khit zawh Russia hong thahat kik lua ahih manin Russiate dalna dingin Europe nisuahna lamah NATO in galkap kikoih beh ding hi ci-in zanin NATOte supreme commander thak US General Curtis Scaparrotti in gen hi. NATO supreme commander lui Philip Breedlove in zong Russia gum rebels ten Ukraine kumpi do uh ahih manin NATO in Ukraine galvan a piak ding a ngaihsuthuai thu hi ta ci-in gen hi.
Russian Foreign Ministry department head Andrei Kelin in NATO in Poland leh Baltic gamte ah galkap tul li val koih ding a ngaihsut mawk pen gamtatna lauhuai suak ding hi ci-in gen hi. NATO ten Europe nisuahna lamah galkap a koih beh niloh manin Russia in January kha in galvan thak hon thum (three new military divisions) leh strategic nuclear missile regiments galkap thak nga bawl khiat ding na pulak hi. NATO in galkap thak hong koihte a dal zo dingin tu kum bei ma-in hih galkap thakte ki bawl khia ding hi ci-in zanin
Russian Defence Minister Sergei Shoigu in gen hi. Russiate media ten hih galkap thakte pen motorised rifle kici dinga, division khatah mi 10,000 tek pha ding hi ci-in gen hi.
Russian Defence Minister Sergei Shoigu in gen hi. Russiate media ten hih galkap thakte pen motorised rifle kici dinga, division khatah mi 10,000 tek pha ding hi ci-in gen hi.
Hih NATO in galkap a koihna munte leh a koih beh sawmna munte pen Soviet Union gam tuamtuamin a kikhen ma-in Soviet gam vive ahih manin Russia in zadah mahmah hi. 2014 in Crimea gam ten Russia beel nuam in vote khiatna (referendum) nei uh a, a tamzaw in Russia beel nuam ahih manin Crimea in Russia beel hi. Ukraine leh NATO gam ten Crimea gam pen Russia in aana tawh Ukraine gam panin a lak hi ci-in ngawh uh a, Europe gam dangte zong lak beh sawm hi cih paulap zongin NATO in Europe nisuahna lamah gamte ah galkap leh galvan tampi koih beh hi. US leh NATO in a ngiansiamna tawh Soviet Union kikhenna ding a vaihawm zawh hangin, Soviet Union gam tampi a kikhen hangin Russia hong thahat kik lua ahih manin a ngian uh 'containment of Russia' kici pen Sial lut khit nunga dai kai leh dahpa lo kho suak pian ta hi.
Source: Agencies
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.