CHINA AH GUAHZUK HANGIN MENCIM, MI 15 SI TA
May 9, 2016: China leitaw lam-a om Fujian, Guangxi, Hubei leh Guizhou provincete ah zan in guah a nak zuk luat manin mencim a, tua memcim in Fujian province sunga om Taining khua a mei tha lakna dinga kibawl hydropower project'te' office building leh nasemte giahna mun nawksiatsak hi. Mencim in a vukte hutkhiatna nasem (rescuer team) dingin central government in misiam vive sawl a, tua ten mencim in mual 100,000 cubic metre (3.5 million cubic feet) tung panin a cim khia suang lian pipite hemkhia uh hi. Hih province tuamtuamte a mencim hangin tu dong si luang 15 mu ta uh a, mi 25te omna kithei lo hi ci-in Xinhua News Agency in gen hi.
Taining Hydropower project nasem Deng Chunwu in Xinhua News Agencyte kiangah a genna ah , "Ka ihmut lai takin mual hong ling a, mencip lam ka phawk ma un ka giahna sung uh-ah buannawi hong lut a, ka naseppih ka lawmte thum ten ka giahna khuamte uh len in suakta uh hi," ci-in gen hi. Nasemte omna buannawi luan'na mun panin metres 10 (30 feet) a gamla munah kilaih hi ci-in gen beh hi.
Liamna tuakte lakah guh kitan tam mahmah, hih liamna tuakte zoto ah kikem hi ci-in Xinhua leh state broadcaster CCTV in gen hi. Police, firefighters leh rescuer kigawm mi 600 a huh ding leh a mangte zong dingin kisawl hi. Mencim hangin buainawi leh tuikhang hat lua ahih manin hutkhiatna nasem ten a mencipna munah a lutna dinguh lampite kikhak a, machine gik leh golte pua lut thei lo uh ahih manin hutkhiatna nasep manlang takin sem thei lo uh ahih manin a si kibehlap lai dingin upmawh huai hi.
Hih Taining hydroprower project pen Chitan hydropower station keek behna dinga kibawl hi a, August 2017 ciangin kizo dinga, zat theih pah ding hi ci-in Xinhua news in gen hi.
-Daily Mail
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.