BANGLADESH AH CHRISTIANTE INN BOMB TAWH KIDENG, MI NIH LIAM
May 3, 2016: Bangladesh gamah mel theih loh ten zan nitakin bomb va lawn uh a, mi nih in liamna tuak uh hi. Damurhuda police station a officer-in-charge Liakat Hossain in a genna gan zuak a nek zong Damurhuda upazila sunga om Baghadanga veng a om Girjapara khua-a teng Alam Mondol' inn ah a ihmut lai un bomb kilawn a, Alam Modol a inn kongah lum ahih manin liamna tuak a, a innkuanpih dang khatin zong liamna tuak hi ci-in gen hi. Khua mi ten a bomb puak a zak phet un va delh pah uh a, tua bomb bawl tawm lawm ten bomb thum tawh na deng kik uh hi ci-in gen beh hi.
Tua bomb lawmte pen sum ngen dingin Alam Mondol' inn suam hi ding hi ci-in Prothom Alo newspaper in gen hi.
Bangladesh gamah Muslim biakna a hilo biakna dang zuite, minam tawmte, gamdang mi, laisiamte leh secular bloggers-te mi gilo ten suam mun mahmah uh hi. Nung Kiginni in zong Rajshahi University ah English professor sem khat ISte dinga upmawh ten tem in dawt lum uh hi. Tua khit Pizing (Monday) ni in zong Bangladesh ah amasa pen dingin Dhaka khuapi ah gay magazine editor khat leh a lawmpa Islamic ngongtat ten that uh hi.
-The Hindu/Daily Mail
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.